Abahanzi b’Abanyarwanda Bwiza na Chris Eazy, bamaze gutumirwa mu Gitaramo kizabera muri Zambiya tariki ya 07 Nyakanga 2023.
Umuhanzikazi Bwiza uherutse gukorera Igitaramo mu Bufaransa, agiye kwerekeza muri Zambiya akazajyana n’Umuhanzi Chris Easy aho bazaba basusurutsa Abanyarwanda batuye i Lusaka muri.
Ni Igitaramo cyiswe ‘Liberation Day Rwanda- Zambia Celebration Concert’ cyahujwe no kwizihiza Umunsi wo Kwibohora ku nshuro ya 29.
Muri iki Gitaramo, aba Bahanzi Nyarwanda byitezwe ko bazafatanya n’Abahanzi bakomeye muri Zambiya barimo nka ‘Xaven’ uherutse gusubiranamo na Bwiza indirimbo ‘Exchange’ na Yo Maps uri mu bakomeye muri iki gihugu.
Biteganyijwe ko kwinjira muri iki Gitaramo bizaba ari Ama-Kwacha 200 mu myanya isanzwe arenga Ibihumbi 10Frw, 400 muri VIP arenga Ibihumbi 20Frw ndetse na 800 muri VVIP ni ukuvuga arenga Ibihumbi 40Frw ku bazaba baguze Amatike mbere.
Abazagurira amatike ku muryango bo bazayagura ama-Kwacha 300 mu myanya isanzwe, 500 muri VIP n’igihumbi muri VVIP.
