Umuhanzi mpuzamahanga w’Umuryarwanda ubarizwa muri USA, Young TG, yambitse Impeta y’Urukundo Umukunzi we mu biriro byishimiwe n’abatari bake kandi byari binogeye Ijisho.
Young TG uririmba Injyana ya Hip Hop, agaragiwe n’Inshuti ze, yasabye Uwase uzwi ku mazina ya KB kuzamubera Umugore, nawe abyemera atazuyaje.
Iki gikorwa yagikoreye ku Kibuga mpuzamahanga cy’Indege cya Louisville International Airport giherereye muri Leta ya Kentucky muri USA.
Iki Kibuga cyari cyazengurukijwe Indabo ahantu hose, mu rwego rwo kereka Uwase ko yiteguwe bidasanzwe.
Akigera kuri iki Kibuga, n’akanyamuneza mu Maso, Uwase yahise agwa mu Byano Young TG, nawe atazuyaje ahita amwambika Impeta imusaba kuzabana nawe akaramata.
Mu byishimo byagaragariraga buri umwe wari aho, Uwase yasubije atazuyaje agira ati:”Yes (Ndabyemeye)”.
Aganira n’Itangazamakuru, uyu Muhanzi yatangaje ko yishimiye kwambika Impeta Uwase, kuko Umwaka bamaranye mu munyenga w’Urukundo wamweretse ko ntaw’undi yamurutisha.
Yifashishije imirongo yo mu ndirimbo ye yise “Saka”, Young TG yagize ati:”Igihe nataye inyuma y’ibidafite umumaro kirahagije”.
Young TG ni umuhanzi uzwi cyane muri Amerika no mu Rwanda by’umwihariko mu Njyana ya Hip-hop, akaba afite Indirimbo zirimo nka ‘My Bea’ yakoranye na Afrique, Winner, my City na Saka.
Amafoto
