Umuholandi Bart Classens ukina afatanyije n’Umudage Daniel Gathof bagize Ikipe ya Shift Up For Rwanda 1, begukanye Etape ya 2 y’Irushanwa ry’Umukino w’Amagare akinirwa mu Misozi azwi nka ‘Mountain Bikes’.
Iyi Etage yahagurutse i Rusiga mu Karere ka Rulindo yerekeza kuri Sitade Ubworoherane mu Karere ka Musanze, bayegukanye bakoresheje Amasaha 4, Iminota 42 n’Amasegonda 13.
Live update:
Winners of #RwandanEpic2023
Stage 1 Duo Men category Daniel Gathof and Bart Classens now leading2nd place are: #Kenyan Bobby & Wakieya with less than 5kms remaining! pic.twitter.com/am6SYNBKZR
— Rwandan Epic (@EpicRwandan) November 1, 2023
Ni nyuma yo guhiga abandi ku ntera na Kilometero 102 na Metero 500.
Bakurikiwe n’Ikipe y’abakinnyi bakomoka mu gihugu cya Kenya yari igizwe na Bobby Joseph ufatanya na Ndug’u Wa Keiya. Bakoresheje Amasaha 5, Iminota 7 n’Amasegonda 32.
Umwanya wa gatatu wegukanywe n’ikipe ya Fly4Sport Racing igizwe na Ota Zima ufatanya na Miroslav Rybacek bakoresheje Amasaha 5 Iminota 34 n’Amasegonda 25.
Mu kiciro cy’abagore, nyuma yo kwegukana Etape ya mbere wakinwe ejo hashize izwi nka “Prologue”, Abanyarwanda Ingabire Diane ufatanya na Nzayisenga Valentine bongeye kwegukana Etape ya kabiri.
Mu kiciro cy’ikipe igizwe n’Umugabo ukina afatanyije n’Umugore, iyi Etape yegukanywe n’ikipe ya Les Baroudeurs igizwe na Melanie Bourgeoui ukina afatanyije na William Rauw.
Mu bakinnyi bakina ku giti cyabo, Umubiligi Olivier Kestelyn yahize abandi akoresheje Amasaha 5, Iminota 17 n’Isegonda 1.
Ku ruhande rw’abakinnyi b’Abanyarwanda mu kiciro cy’amakipe y’abagabo, Ikipe ya Twin Lakes Cycling Academy 2 igizwe na Manizabayo Jean De Dieu ukina afatanyije na Iradukunda Valens begukanye umwanya wa Kane bakoreshe Amasaha 5, Iminota 56 n’Amasegonda 40.
Umwanya wa Gatanu, nawo wegukanywe n’ikipe y’Abanyarwanda, Rakifi Bike 2 igizwe na Nshutiraguma Kevin ufatanya na Nzamuye Theogene. Bakoresheje Amasaha 6 Iminota 5 n’Amasegonda 39.
Kimwe mu byashimishije abakurikiranye Etape y’uyu Munsi, ni kipe ya Murakoze Rwanda igizwe n’abakinnyi bakomoka mu Budage, Kai-Uwe Lehnung ufatanya na mugenzi we Marc Wenzel begukanye umwanya wa Gatandatu.
Etape y’uyu Munsi yari ku Butumburuke bwa Metero 2300.
🚵♂️ Stage 2 of the #RwandanEpic2023 is ON! 💃🕺
Today's challenge:
Rusiga – Musanze Stadium
Distance – 102.5km
Single Trails – Dirt Roads
Difficulty level – 5/5
Elevation – 2770M@Visit_Musanze here we come! pic.twitter.com/Yp8aRtKIdy— Rwandan Epic (@EpicRwandan) November 1, 2023
Kuri uyu wa Kane tariki ya 02 Ugushyingo 2023, abakinnyi baraza guhatana muri Etape ya Gatatu, ya Kinigi – Musanze, iyi ikaba ireshya na Kilometero 73 ziri ku Butumburuke bwa Metero 1600.
Twibutse ko iri Rushanwa rikinwa mu byiciro bine (4), birimo Umukinnyi ku giti cye, Ikipe zo mu kiciro cy’abagore, izo mu kiciro cy’abagabo ndetse n’ikipe y’umugabo n’umugore bafatanya.
Rwandan Epic, ni Irushanwa Mpuzamahanga ry’umukino w’Amagare akinirwa mu Misozi, rikaba rikinwa hagamijwe guhuza Siporo n’Ubukerarugendo.
Ni Irushanwa ngarukamwaka ryatangiwe gukinirwa mu Rwanda guhera mu 2020, muri uyu Mwaka w’i 2023, rigiye gukinwa ku nshuro ya kane.
Iby’ingenzi byitezwe muri iri Rushanwa
- Abakinnyi bazazenguruka mu Turere Dutanu (5) aritwo; Nyarugenge, Rulindo, Musanze, Nyabihu na Rubavu.
- Inzira (Stages) Eshanu (5) nizo zizahatanirwa.
- Abakinnyi 123 bavuye mu bihugu 16 bazaba bahanzwe amaso.
- Ku ruhande rw’u Rwanda, abakinnyi 19 nibo bitabiriye iri Rushanwa.
- Abasaha Miliyoni 12 z’abatuye Isi, bazakurikirana bya buri munsi ibijyanye n’iri Rushanwa, binyuze ku mbuga nkoranyambaga zitandukanye.
- Abakinnyi barimo Mugisha Moise usanzwe umunyerewe mu mukino w’Amagare asanzwe (Road Race), ni umwe mu bitezwe.
Inzira (Stages) zizakoreshwa
● Stage 1: 31/10, Kigali – Kigali, 15Km Prologue
● Stage 2: 1/11, Rusiga Resort – Musanze Stadium, 102Km
● Stage 3: 2/11, Kinigi – Musanze, 73Km, 1600m+
● Stage 4: 3/11, Kinigi – Kinigi, 32Km, 400m+
● Stage 5: 4/11: Nyabihu – Rubavu, 62Km, 1400m+.
Amafoto
