Ku myaka 40 y’amavuko, Cristiano Ronaldo, rutahizamu w’Ikipe y’Igihugu ya Portugal na Al Nassr akomeje kwandika amateka muri ruhago y’Isi.
Uyu mugabo ufatwa nk’umwe mu baranze amateka ya ruhago muri iki kinyejana cya 21, yatsinze igitego cya 924 mu mukino Al Nassr yanyagiyemo Al Feiha ibitego 3-0 muri Shampiyona.
Igitego cya 924, cyatumye uyu rutahizamu atsinda ibi bitego mu mikino 1262. Uyu mukino wari uw’umunsi wa 19 wa Shampiyona ya Arabiya Sawudite.
Uretse igitego cya Cristiano Ronaldo, ibindi byantsinzwe na Jhon Duran, rutahizamu Al Nassr yaguze muri Aston Villa mu isoko ry’igura n’igurisha ryo mu Kwezi kwa mbere (Mutarama).
Muri uyu mwaka w’imikino, Ronaldo amaze gutsinda ibitego 16 atanga n’imipira 3 yavuyemo ibitego mu mikino 18 amaze gukina.
Al- Nassr iri ku mwanya wa gatatu muri shampiyona n’amanota 41. Irushwa amanota 8 na Al-Ittihad iri ku mwanya wa mbere .
Amafoto
