Mu Murenge wa Busogo mu Karere ka Musanze, Umushoferi yarokotse impanuka y’ikamyo yari atwaye ikabura feri ikagwa mu muhanda Musanze-Busogo.
Umunyamabanga nshingwabikorwa w’Umurenge wa Busogo, Ndayambaje Kalima Augustin yavuze ko iyo kamyo ikimara kugwa, habayeho ubutabazi bwihuse mu kurengera ubuzima bw’Umushoferi wari uyitwaye, aho k’ubw’amahirwe yayivuyemo ari muzima.
Ati “Iyo kamyo ikimara kugwa mu muhanda, twegereye umushoferi atubwira ko yabuze feri, aho zari zacitse mu gihe akirwana nayo ihirima mu muhanda, umushoferi ni muzima nta kibazo na kimwe yagize”.
