Mu Ishuri Rikuru ry’Imyuga n’Ubumenyi ngiro ishami rya Tumba hatashwe inzu iri shuri ryubakiwe ku nkunga ya Leta y’u Bufaransa. Bamwe mu barimu ndetse n’abanyeshuri bavuga ko bitewe n’ibikoresho byo ku rwego ruhanitse biri muri iyi nyubako, biteguye gutanga umusaruro ufatika.
Ni inyubako yubatswe ari nako hatangwa amahugurwa kuri bamwe mu barimu bigisha amasomo atandukanye mu mashuri makuru y’imyuga n’ubumenyi ngiro ari hirya no hino mu gihugu.
Imirimo yo kubaka iyi nzu kandi yanajyanye no kugura imashini zigezweho, kubaka Labaratwari zigirwamo amasomo atandukanye y’ubumenyi mu ikoranabuhanga, ndetse n’isomero rinini.
Today the Mayor of @rulindodistrict has joined Hon. MoS in charge of ICT & TVET @ClaudetteIrere accompanied by the Ambassador of France in Rwanda, Mr. Antoine ANFRÉ officially inaugurated the Mechatronics Technology Program at @IPRC_Tumba @Rwanda_Edu @AFD_en @expertisefrance pic.twitter.com/krIc2F4hAj
— Rulindo District (@rulindodistrict) May 11, 2023
Bamwe mu barimu bavuga ko bifashishije ibikoresho bigezweho bigishirizaho bizabafasha gutanga ireme ry’uburezi. Ni mu gihe abanyeshuri nabo ngo bazatanga umusaruro ufatika ku iterambere ry’ingihugu.
Umushinga wo kubaka iyi nzu yigirwamo n’ishami rya Mechatronics muri IPRC Tumba, washyizweho ibuye ry’ifatizo na Perezida w’Ubufaransa Emmanuel Macro, mu ruzinduko yagiriye mu Rwanda mu mwaka wa 2021. Ambasaderi w’u Bufaransa mu Rwanda Antoine Anfre yavuze ko iki ari ikimenyetso cyiza cy’umubano w’u Rwanda n’u Bufaransa.
Happening now: Today May 11, 2023, Hon. Minister of State in charge of ICT & TVET accompanied by the Ambassador of France in Rwanda, Mr. Antoine ANFRÉ officially inaugurated the Mechatronics Technology Program at IPRC Tumba. @RwandaPolytec @Rwanda_Edu @AFD_en @expertisefrance pic.twitter.com/evwUx1P6cV
— RP-IPRC Tumba (@IPRC_Tumba) May 11, 2023
Umunyamabanga wa Leta muri Minisiteri y’Uburezi ushinzwe ikoranabuhanga, n’amashuri y’imyuga n’ubumenyi ngiro Irere Claudette yavuze ko kuba inyubako igezweho nk’iyi kimwe n’izindi nka yo zirimo kubakwa hirya no hino mu mashuri y’imyuga n’ubumenyi ngiro, bizongera umubare w’abitabira amasomo y’imyuga.
Uretse muri IPRC Tumba inyubako nk’iyi irubakwa muri IPRC Karongi na Kitabi.
Uyu mushinga wa Leta y’u Bufaransa urashyirwa mu bikorwa n’ikigo cy’u Bufaransa gishinzwe iterambere, ukaba ufite ingengo y’imari ikabaka miliyari 10Frw.
