Rutahizamu wa APR FC n’ikipe y’Igihugu y’u Rwanda Amavubi, Byiringiro Lague yamaze kubona ikipe nshya ya Sandvikens IF yo muri Sweden ho ku mugabane w’ u Burayi, aho biteganijwe ko azakina mu gihe cy’amasezerano y’imyaka ine.
Mu mashusho yashyizwe ku rubuga rwa Twitter, Lague w’imyaka 22 yumvikanye abwira abafana ba Sandvikens IF ikina muri Shampiyona y’icyiciro cya gatatu muri SuĂšde ko agiye gukinira ikipe yabo, ati “Tuzabonana bidatinze.”
Iyi kipe kandi yatangaje ko yamaze gusinyisha rutahizamu Byiringiro Lague wakiniraga APR FC, inamuha ikaze muri ruhago yo ku mugabane w’u Burayi.
Uyu musore uzerekeza i Burayi mu kwezi gutaha kwa Gashyantare byavuzwe ko yaguzwe Ibihumbi 100 by’Amadorari y’America (100$) ndetse azajya ahembwa Ibihumbi bine ku kwezi (4000$)
Ntabwo ari ubwa mbere Byiringiro Lague agiye kugerageza amahirwe ku mugabane w’u Burayi kuko mu mpeshyi ya 2021 yakoze amageragezwa mu Busuwisi n’u Bufaransa ariko bikarangira adashimwe n’amakipe yaho, yigarukira muri APR FC.
Muri Sweden, Byiringiro Lague agiye gukina mu ikipe imwe na Mukunzi Yannick we umaze imyaka 3 ayibarizwamo, nyuma yo kuyerekezamo mu mpeshyi ya 2019, ubwo yari atijweyo na Rayon Sports ndetse bikarangira asinye amasezerano.
đŽâȘïž Snart Ă„terförenade i Sandvikens IF. pic.twitter.com/rDJixGSixk
— Sandvikens IF (@SandvikensIF) January 26, 2023
Ibinyujije ku rubuga rwayo rwa Twitter, Sandvikens IF yerekanye ko yamaze kwibikaho Yannick Mukunzi na Byiringiro Lague bombi bakinira ikipe y’Igihugu y’u Rwanda ‘Amavubi’.
âïž Vi vĂ€lkomnar den 22-Ă„rige rwandiern Byiringiro Lague till Sandvikens IF! Anfallaren kommer till oss frĂ„n APR FC frĂ„n Kigali.
đŁïž âJag ser mycket fram emot att försöka hjĂ€lpa Sandvikenâ sĂ€ger Byiringiro som skrivit pĂ„ ett fyraĂ„rsavtal.
âĄïž Mer lĂ€sning:https://t.co/svb8CCXshU pic.twitter.com/oYMxG21F3B
— Sandvikens IF (@SandvikensIF) January 26, 2023
Kuri uru rubuga kandi, niho iyi kipe yatangarije ko yamaze kwibikaho uyu rutahizamu.
