Ikipe ya Eagles mu kiciro cy’abagabo n’iy’Akarere ka Gasabo (Intwari) mu bagore, zegukanye Shampiyona ya Basketball ikinwa n’abantu bafite Ubumuga, izwi ku izina rya Wheelchair Basketball.
Izi kipe zombi zibitseho ibi bikombe ubwo kuri iki Cyumweru hasozwaga Shampiyona ya Wheelchair Basketball, mu mikino yakiniwe ku Kibuga cya Stecol ahazwi nko mu Cyanya cy’Inganda, i Masoro mu Karere ka Gasabo.
Ni mu gihe kandi isozwa ry’iyi Shampiyona ryahuriranye n’uko hasozwaga Shampiyona y’Imikino Ngororamubiri, yakiniwe kuri Sitade y’Akarere ka Bugesera mu Mujyi wa Nyamata mu Ntara y’i Burasirazuba.
Mu kiciro cy’abagabo, Eagles yatsinze ku mukino wa nyuma Ikipe y’Akarere ka Kicukiro, amanota 28 kuri 21.
Kuri iki Cyumweru hasojwe shampiyona ya Whealchair Basketball, ikipe ya Eagles na Gasabo zegukana igikombe.
Dore uko imikino yagenze:
▶️ Final ( Abagabo)
Eagles 28 -21 Kicukiro▶️ Umwanya wa 3 (abagabo)
Indangamirwa 26-30 Musanze
▶️Final (Abagore)
Gasabo 10-8 Kicukiro pic.twitter.com/nRm2k93hbk— Rwanda Paralympics (@npcrwanda) April 29, 2024
Gutsindwa ku mukino wa nyuma kwa Kicukiro, byahise bituma itakaza igikombe yari yaregukanye mu Mwaka ushize w’i 2023.
Umwanya wa gatatu mu kiciro cy’abagabo, wegukanywe n’ikipe y’Akarere ka Musanze, yatsinze Indangamirwa amanota 30-26.
Mu kiciro cy’abagore, Ikipe y’Akarere ka Gasabo yisubije igikombe, nyuma yo gutsinda iy’Akarere ka Kicukiro, amanota 10-08.
Ikipe ya Eagles, yashinzwe na Rwampungu Meshak mu 2022. Iyi kipe ibarizwa mu Karere ka Gasabo, yitoreza ku Kibuga cya Stecol
Umwaka wayo wa mbere ubwo yatabiraga Shampiyona ntabwo yahiriwe, gusa Umwaka ushize ubwo yayikinaga ku nshuro ya kabiri, yegukanye umwanya wa gatatu, mbere y’uko yibikaho Igikombe cy’uyu Mwaka.
Umusaruro w’Imikino Ngoramubiri
- Abagore
1. Rwamagana: Gold 8 -Silver 5- Bronze 0
2. Mozanze:Gold 6 – Silver 4 – Bronze 0
3. Gasabo: Gold 2 – Silver 0 – Bronze 5
4. Nagatare: Gold 1 – Silver 2 – Bronze 3
5. Ngoma: Gold 0 – Silver 1 – Bronze 1
6. Kayonza : Gold 0 – Silver 1 – Bronze 1
- Abagabo
1. Musanze : Gold 5- Silver 2- Bronze 2
2. nyabihu: Gold 3- Silver 1 – Bronze 0
3. Gasabo : Gold 2 – Silver 1 – Bronze 0
4. Gasabo : Gold 2 – Silver 0 – Bronze 3
5. Rwamagana : Gold 1 -Silver 1 Bronze 0
6. Kirehe :Gold 0- Silver 4- Bronze 1
7.Nyagatare: Gold 0- Silver 4- Bronze 1
8. Bugesera : Gold 0- Silver 1- Bronze 1
- Urutonde rusange
1. Musanze: Gold 10- Silver 6- Bronze 2
2. Rwamagana: Gold 9-Silver 6 Bronze 0
3. Gasabo: Gold 4-Silver 1-Bronze 5
4. Huye: Gold 2-Silver 0- Bronze 3
5. Nyagatare : Gold 1-Silver 0- Bronze 4
6. Kirehe : Gold 0- Silver 4- Bronze 1
7. Ngoma: Gold 0- Silver 1- Bronze 1
8. Bugesera: Gold 0- Silver 1- Bronze 1
9. Kayonza: Gold 0- Silver 1- Bronze 1.
Amafoto
