Habiyaremye Zacharie wamamaye nka ‘Bishop Gafaranga’ agiye gukora ubukwe n’umuhanzikazi wo mu ndirimbo zo kuramya no guhimbaza Imana, Annette Murava.
Aba bombi ubukwe bwabo buteganyije ku wa Gatandatu tariki 11 Gashyantare 2023.
Gusaba no gukwa bizaba i Nyamata kuri La Palisse Hotel, gusezerana imbere y’Imana nabyo bizabera La Palisse Hotel i Nyamata, ni mu gihe abatumiwe bazakirirwa kuri Palisse Hotel.
Anette Murava ni umwe mu baramyi bagezweho muri iyi minsi, akaba abikesha ‘Niho Nkiri’, imwe mu ndirimbo yafashije abatari bake bitewe n’uburyo yaririmbwemo, amagambo n’inyigisho ziyirimo.
Muri Gicurasi 2022, ni bwo Annette Murava yatangaje ko yambitswe impeta y’urukundo. Amakuru avuga ko ari Bishop Gafaranga wayimwambitse mu gutangiza urugendo rw’ubuzima, bemeranya kubana nk’umugabo n’umugore.
Bishop Gafaranga wamamaye muri filime zitandukanye zirimo nka ‘Bavakure’ n’izindi. Ndetse, yagiye agaragara mu bitaramo bitandukanye by’urwenya ndetse n’ ibiganiro bya YouTube.
Urukundo rwe na Annette Murava rwaciye amarenga binyuze mu mishinga y’indirimbo bagiye bahuriramo. Bakoranye indirimbo ‘Igitambo’. Nk’aho ibi bidahagije, banahuriye mu yindi ndirimbo bise ‘Umuriro’.
Annette murava n’ umuramyi ukunzwe na benshi indirimbo ze zifasha guhembura imitima ya benshi ndetse no kwiyunga n’Imana.
Amafoto
