Imikino ya UEFA Champions League igeze mu mahina. Nyuma y’imikino ibanza n’iyo kwishyura ha ¼, hamenyekanye ayakatishije itike yo gukina imikino ya ½.
Ayabonye itike yo gukina ½ agizwe na; Arsenal, Paris Saint Germain, Inter Milan na FC Barcelona.
Ku giterano cy’ibitego byo mu mikino yombi, Arsenal yasezereye Real Madrid ku bitego 5-1, Inter Milan isezerera Bayern Munchen iyitsinze ibitego 4-3, FC Barcelona isezerera Borussia Dortmund iyitsinze ibitego 5-3, mu gihe Paris Saint Germain yakuyemo Aston Villa ku giteranyo cy’ibitego 5-4.
Nyuma yo gukatisha itike ya ½, Arsenal izisobanura na Paris Saint Germain, mu gihe Inter Milan izacakirana na FC Barcelona.
Tariki ya 29 Mata 2025, Arsenal izakira Paris Saint Germain mu mukino ubanza, mu gihe uwo kwishyura uteganyijwe tariki ya 07 Gicurasi 2025.
Bucyeye bwaho, FC Barcelona izakira Inter Milan, mu gihe tariki ya 06 Gicurasi 2025, bizaba ari ibicika mu Butaliyani, mu mukino wo kwishyura.
Amakipe azaba yageze ku mukino wa nyuma, azahurira kuri Sitade ya Bayern Munchen tariki ya 31 Gicurasi 2025, yishakemo iyegukana igikombe cyari gifitwe na Real Madrid.
Mu makipe ane yageze muri ½. abiri muri yo [FC Barcelona na Inter Milan] niyo azi uko iri rushanwa riryohera abaritwaye, mu gihe andi abiri [Arsenal na PSG] ataratwara iki gikombe. Igikomeye zakoze n’ukugera ku mukino wa nyuma.
Mu 2006, Arsenal yatsindiwe ku mukino wa nyuma ya FC Barcelona, mu gihe mu 2021, PSG yatsinzwe na Bayern Munchen.
Amafoto
