Pau Cubarsí Paredes, myugariro mpuzamahanga w’Umunya-Esipanye, yemeye kuguma muri FC Barcelona kugeza mu 2029.
Uyu mukinnyi w’Imyaka 18 gusa y’amavuko, yari asanzwe afite amasezerano azarangira mu 2027, bivuze ko yongeyeho indi myaka ibiri.
Mu Mwaka ushize, nibwo yari yasinye amasezerano y’Imyaka itatu akinira FC Barcelona, yagombaga kugeza muri Kamena y’i 2027.
Muri aya masezerano, harimo ko niyuzuza imyaka 18, azahita asinya indi myaka ibiri.
Cubarsí yujuje imyaka 18 tariki ya 22 Mutarama 2025. Uyu mukinnyi wazamukiye mu Ishuri rya ruhago rwa FC Barcelona (La Masia), n’umwe muri ba Myugariro Isi ifite batanga ikizere.
FC Barcelona nk’ikipe iri mu z’ibihangange ku Isi, yabihamije imugirira ikizere cyo kuyikinira, agifite imyaka 16 gusa.
Ku myaka 18 gusa y’amavuko, amaze gukina imikino 36 muri ya Shampiyona ya Esipanye, LaLiga.
Amafoto
