Nyuma y’uko imikino y’amajonjora yo gushaka itike y’amakipe umunani ya mbere mu mikino ya UEFA Champions League (2024-25) iri gukinirwa mu buryo bushya, amakipe atarabonetse muri iyi myanya ya mbere, yatomboranye mu mikino yo gukuranwamo.
Iyi tombora yasize umwe mu mikino yo guhangwa amaso, uzahura Ikipe ya Real Madrid ifite igikombe giheruka, na Manchester City yo mu Bwongereza, yari yatwaye icyari cyabanje.
Tombora yakorewe mu Busuwisi kuri uyu wa 31 Mutarama 2025, yasize aya makipe yombi agiye guhura ku nshuro ya kane yikurikiranya mu mikino yo gukuranwamo.
Umukino uheruka guhuza aya makipe yombi mu mwaka w’imikino 2023-34, Real Madrid yasezereye Manchester City mu mikino ya ¼, iytsinze kuri Penaliti 4-3, nyuma y’uko amakipe yombi yari yanganyije igitego 1-1.
Manchester City yasoreje ku mwanya wa 22 mu makipe 36, izakira umukino ubanza, mu gihe uwo kwishyura uzabera muri Esipanye.
- Uko tombora yagenze muri rusange
Celtic yo muri Scotland yari imaze imyaka 12 itarenga amatsinda, izahura na Bayern Munich ifite iki gikombe inshuro 6.
Paris Saint-Germain izahura na Brest nayo yo mu Bufaransa, Juventus ihure na PSV Eindhoven, Fayenoord na AC Milan, Benifica na Monaco.
Atlanta yo mu Butaliyani yasoreje ku mwanya wa cyenda, izacakirana na Club Brugge yo mu Bubiligi, Borussia Dortmund yageze ku mukino wa nyuma umwaka ushize, icakirane na Sporting CP.
Iyi mikino iteganijwe mu Kwezi kwa Gashyantare 2025. Amakipe 8 azarenga iki kiciro azahura n’andi 8 yasoreje mu myanya umunani ya mbere.
Aya makipe ni; Liverpool, Barcelona, Arsenal, Inter Milan, Atletico Madrid, Bayer Leverkusen, Lille, na Aston Villa.