Guhera kuri uyu wa 21 kugeza ku ya 27 Kanama 2024, mu Rwanda harakinirwa imikino yo gushaka itike y’Igikombe cy’Isi mu kiciro cy’abangavu batarengeje imyaka 19 (ICC U-19).
Iyi mikino y’ijonjora ribanza, yitabiriwe n’Ibihugu birindwi (7) bigizwe na; Kenya, Mozambique, Lesotho, Botswana, Malawi, Eswatini na Sierra Leone.
Imikino yo gushaka iyi tike, izabera ku bibuga byo mu Mujyi wa Kigali mu Karere ka Kicukiro, birimo Ikibuga cyo muri IPRC-Kigali n’Ibibuga bibiri biri i Gahanga.
Amakipe 2 muri aya 7, niyo azatsindira itike yo gukomeza mu ijonjora rya nyuma naryo riteganyijwe kubera mu Rwanda mu Kwezi gutaha.
Muri iki gihe cy’Iminsi 7, aya makipe azahura hagati yayo, hakinwe imikino 21.
Ikipe 2 za mbere, ziziyongera ku makipe y’Ibihugu birimo; Zimbabwe, Namibia, Uganda, Tanzania, Nigeria n’u Rwanda, ibi bihugu nabyo bizakine imikino izabihuza hagati yabyo, byishakemo igihugu kimwe kizahagararira Umugabane w’Afurika mu mikino y’Igikombe cy’Isi kibera mu Bihugu bya Malaysia na Thailand muri Mutarama y’Umwaka utaha w’i 2025.
Umuyobozi w’Ishyirahamwe ry’Umukino wa Cricket mu Rwanda, Stephen Musaale, akomoza kuri iyi mikino, yatangaje ko ari iby’agaciro kuba u Rwanda rwaragiriwe ikizere cyo kwakira aya majonjora, kandi ruzereka Impuzamashyirahamwe y’umukino wa Cricket ku Isi (ICC), ko batarwibeshyeho.
Mu Mwaka w’i 2022, u Rwanda rwabonye itike yo kuba Igihugu rukumbi cyahagarariye Umugabane w’Afurika mu mikino y’Igikombe cy’Isi cyabereye muri Afurika y’Epfo mu 2023, nyuma yo kwisengerera Uganda kuri Finale.
Abakinnyi amakipe y’Ibihugu azakoresha
- Kenya
Melvin Khagoitsa (C), Janet Makau, Zainabu Hamisi, Kreeshna Mehta, Roshele Atamba, Irene Mutinda, Awe Wambua, Tania Atieno, Stella Idagiza, Neera Ruda, Ayaana Gupta, Marion Agoi, Rael Kaibunga.
- Malawi
Ketrina M. Chingaipe (C), Alinafe Alfonso, Febbe Malefula, Lucy Malino, Angela Lumbe, Mercy Kudimba, Lucy Bigula, Euless Chilarile, Sophina Chinawa, Faith Khofi, Christina Bwanali, Frolance Nkhoma, Evah Kabwere, Esther Richard.
- Mozambique
Amelia L. Mundundo (C), Wisley Nely A. Bucuane, Regina O. Mazumba, Faida P. Tesora, Bitosa Q. Vilia, Yudney Murrure, Carolina L. Muchanga, Delerosa S. Navingo, Leonar V. Mandhate, Marlene R. Gulela, Ilauda L. Muiambo, Ilza Artur Machava, Zelia F. Chauque, Suzan D. Matavele.
- Botswana
Tlhalefo B. Godisamanga (C), Merco One Dipogiso, Segaba O. Keganne, Entle Mmese, Lame Rasina, Lesego L. Kooagile, Aliya J. Motorwala, Oratile Tsimako, Celeste M. aaron, Amantle G. Letuba, Keotshephile Kearialo, Mpho Modise, Queen Kebetso, Otatile M. Gegopolwe.
- Eswatini
Dlamini Tibusiso (C), Dlamini Siphelele, Dlamini Owami Gwebu Lethokuhle, Mamba Kendokuhle, Mamba Nkosingiphile, Mkhonta Nomphilo, Nkosi Siyamthanda, Shabalala Zinle, Shabalala Lihle, Simelane Lulama, Sithole Temazikodze, Tsabedze Nomazwi, Zwane Phumlile.
- Lesotho
Kananelo M. Molapo (C), Karabo Christina, Tshowana Ntobo, Lerato A. Mating, Reabetsoe Matilda, Lemohang R. Sakoane, Mat’seliso G. Setintana, Lintle Mohloai, Lindiwe T. Polaki, Kabelo Esther, Boitumelo Tlali, Tsoanelo Seaka, Topollo Mofolo, Teboho Mosobela.
- Sierra Leone
Patricia Pratt (C), Alice Fellie, Fatu Conteh, Emma Kamara, Katty Kamara, Susan Sesay, Isha Kariatu Bangura, Mariama Jalloh, Jennifer French, Isatu Alimatu Bah, Ramatu Kamara, Theres B. Tommy, Mary Kamara, Jatu Turay.