Umuryango w’Ubumwe bw’Ibihugu bya Afurika (UA) watangaje ko ushyigikiye itangazo ryashyizwe hanze na CEDEAO ku gukoresha imbaraga za Gisirikare mu gukuraho ubutegetsi bwa Gisirikare byiyimitse.
Perezida wa komosiyo y’Umuryango w’Ubumwe bw’Ibihugu bya Afurika, Moussa Faki yatangaje ko bafite impungenge ku buzima bw’uwahoze ari Perezida wa Niger Mohamed Bazoum, wahiritswe ku butegetsi mu kwezi gushize kuya 26/07/2023, akaba abona ko ari ngombwa ko hakoreshwa ingufu za gisirikare kuko inzira y’ibiganiro yananiranye.
Muri iri tangazo rigenewe abanyamakuru, Moussa Faki Hamat, avuga ko ashyigikiye byimazeyo icyemezo umuryango w’ubukungu w’ibihugu bya Afurika y’Iburengerazuba (CEDEAO) wafashe cyo kuya 10 Kanama 2023, cyo gushyira mu bikorwa no kohereza ingufu ziharanira kugarura amahoro muri Niger.
Moussa Faki arasaba ko Perezida Bazoum yarekurwa bwangu, ndetse akaba yahamagariye amahanga guhuriza hamwe imbaraga mu kurokora ubuzima bw’uwahoze ari Perezida wa Niger.
Radio mpuzamahanga y’Abafaransa (RFI), yatangaje ko Umuryango w’Ubumwe bwa Afurika ushyigikiye Umuryango w’ubukungu w’Ibihugu bya Afurika y’i Burengerazuba ku bijyanye n’ibibera muri Niger.
Nyuma y’inama y’Umuryango wo mu Karere, Ku ya 10 Kanama 2023, abakuru b’Ibihugu na Guverinoma ba CEDEAO bashyize bemera guhuriza ijwi hamwe ku gushyira ingufu mu gisirikare, ibihano byashyizwe ho bigomba gukomeza Kandi bigashimangirwa.
CEDEAO ivuga ko ibyihutirwa ari uguhagarika imidugararo, uyu muryango ukaba waraneneje ko washyize ho gahunda y’ibiganiro ngo ikibazo gikemurwe mu mahoro akaba ari umwanzuro ushyigikiwe n’umuryango wunze ubumwe bwa Afurika ku rwego rw’umugabane.
Moussa Faki Hamat, abinyujije mu itangazo rigenewe abanyamakuru , ahamagarira abahiritse ubutegetsi guhagarika imidugararo vuba na bwangu nk’uko na CEDEAO yabisabye.
Abaperezida bo muri Afurika y’Iburengerazuba bakomeje ibihano Kandi basobanura neza ko bashyigikiye inzira y’amahoro binyuze mu biganiro, ariko banategeka gutegura ingabo za gisirikare no kuzohereza hagamijwe kugarura Demokarasi muri Niger.
Nk’uko byatangajwe na Perezida wa Côte d’Ivoire, Alassane Quattara, ibihugu bigize uyu muryango kugira ngo byanzure ko kugirango iki gikorwa gitangire vuba bishoboka , ko Côte d’Ivoire izatanga Batayo igizwe n’abantu 850 kugeza ku 1100, kuri Niger na Benin byakarusho.
CEDEAO yari yasabyeko umuryango w’ubumwe bw’ibihugu bya Afurika wemeza izi ntambwe zatewe. Ibi birakorwa ubu ndetse bikazagira uburemere ndetse bikaba bikurikije amategeko ku rwego rw’akarere.
Ikindi Kandi AU yamaganye imigirire mibi yakorewe Perezida Bazoum Muhamed, uyu mukuru w’igihugu cya Niger akaba afungiye murugo iwe n’umuryango we.
AU iragira iti:”Biteye impungenge ku birebana n’ifungwa rye kuko ririmo kumutesha agaciro cyane rigira ingaruka ku buzima bwe”.