Ishyirahamwe ry’Umukino wa Cricket mu Rwanda (RCA), ryateguye Irushanwa ry’injyanamuntu rihuza amakipe ane (4) ahiga ayandi muri uyu mukino mu kiciro cy’abari n’abategarugoli (abagore).
Amakipe arimo; Ingenzi Heroes, Ingabo Knights, Amasimbi Hawks na Imena Herons aratangira guhatana guhera kuri uyu wa Gatatu tariki ya 20 Kamena 2023 ku Kibuga mpuzamahanga cay Cricket i Gahanga.
Ku ikubitiro, umukino wa mbere urahuza ikipe y’Amasimbi Hawks na Imena Herons.
Iri rirushanwa rigiye gukinwa nyuma y’iminsi itatu (3) hasojwe irushanwa ryo Kwibuka ku nshuro ya 29 Jenoside yakorewe Abatutsi, ryegukanywe n’ikipe y’Igihugu y’u Rwanda rutsinze Uganda ku mukino wa nyuma ku kinyuranyo cya Wickets 6.
Mu bihe bitandukanye, ubuyobozi bwa RCA bwakunze gutangaza ko butegura amarushanwa atandukanye mu kiciro cy’abagore mu rwego rwo kurushaho kubazamurira urwego, no gufasha iki kiciro kubona imikino myinshi yo gukina, mu gihe amarushanwa mpuzamahanga aba abategereje.
