Kuri Miliyoni 48.1$ ni ukuvuga ahwanye na Miliyari 54 Frw, niko gaciro k’Imigabane Equity Group Holdings Plc igiye kugura muri Cogebanque.
Ibi bivuze ko umutungo wa Cogebanque ungana na 91.9% UZEGURIRWA kandi ukajya ucungwa na Equity Bank.
Cogebanque isanzwe ifite ibyangombwa yahawe na Banki nkuru y’ u Rwanda(BNR) byo gutanga serivisi z’imari aho umwaka ushize warangiye iri ku mwanya wa 5 mu mabanki yose yo mu Rwanda n’umutungo wa miliyari 47.3 n’urwunguko rwa miliyari 9.
Ni mu gihe Equity Bank yo mu Rwanda yo yasoje umwaka ushize iri ku mwanya wa 3, ifite umutungo w’agaciro ka miliyari 66.2 n’urwunguko rwa miliyari 24.2 z’amanyarwanda.
Amasezerano y’ubugure narangira, bizatuma Equity Bank yo mu Rwanda iba iya kabiri mu mabanki akomeye mu Rwanda.