Ikinyamakuru cyo muri Uganda, The Monitar, cyatangaje ko Abasirikare ba Uganda bafatanyije n’aba Republika ya Demokrasi ya Congo bishe umwe mu bakuru b’Umutwe wiyitirira Idini rya Islam ADF n’abandi Barwanyi batatu.
Umuvugizi w’Ingabo za Uganda, UPDF Maj Bilala Katamba agaruka kuri uru rupfu, yagize ati:”Binyuze mu bikorwa bya gisirikare twise Shujaa, Igisirikare cya Uganda,UPDF gifatanyije n’icya RD-Congo, kishe umwe mu bakuru b’Abarwanyi ba ADF witwa Fazul, wari mu Kibaya cya Mwalika.”
Inkuru zitangazwa na UPDF, zivuga ko uyu Murwanyi mukuru wishwe, yari afite Ubwenegihugu bwa Tanzaniya.
Yishwe ari hamwe n’undi Mugwanyi umwe wa ADF mu Ntara ya Kivu ya Ruguru.
Tariki 23 z’uku Kwezi kwa Kanama (8) mu 2023, Ingabo zifatanya mu Rugamba ziyobowe na UPDF mu Karere ka Kanana, Makisabo, Kivu ya Ruguru, zahitanye abarwanyi babiri ba ADF, hafatwa na Radio nyinshi bakoreshaga mu itumanaho rya gisirikare nk’uko byagarutsweho na Maj Katamba.
Guhera mu Mwaka w’i 2021, abasirikare ba Uganda bari muri RD-Congo mu gikorwa cyo guhashya Abagwanyi ba ADF.
Mu Kwezi kwa Werurwe k’uyu Mwaka, abakekwa kuba ari Abagwanyi b’Umutwe wa ADF bishe abantu nibura 17 mu Burasirazuba bwa Repubulika ya Demokrasi ya Congo, ubu bukaba ari Ubwicanyi bwa kabiri mu gihe kitarenga Icyumweru bugeretswe kuri uyu Mutwe.
Aba bagabye iki Gitero, batwitse Amazu muri iki Gitero cyagabwe mu Rukerera rwo ku Cyumweru mu Karere ka Kirindera muri Kivu ya Ruguru.
Mu mpera z’Umwaka ushize, abitwaje Intwaro b’Umutwe wa Allied Democratic Forces (ADF) bateye agace ko mu Burengerezuba bwa Uganda gahana Urubibi na RD-Congo, Igisirikare cya Uganda kivuga ko cishe 11 muri bo, mu gihe abandi 8 bafashwe mpiri.
Uyu Muvugizi w’Igisirikare, yatangaje ko Umutwe umwe wari ugizwe n’abantu babarirwa hagati y’abantu 20 na 30.
Ubusanzwe, aba Barwanyi bafise Ibirindiro mu bice by’Intara ya Ituri muri DR-Congo, wambutse Umugezi wa Semuliki ukinjira mu gace ka Kyanja mu Karere ka Ntoroko ugana ku Rubibe na RD-Congo.
Ibinyamakuru byo muri Uganda, byavuze ko abantu amagana bahunze Igitero cy’aba Barwanyi mu Gitondo cyo ku wa Kabiri.
Amashusho y’abantu bahungaga iki Gitero, yashyizwe ku mbuga nkoranyambaga.
Brig Gen Felix Kulayigye, Umuvugizi w’Igisirikare cya Uganda, abinyujije kuri Twitter, yatangaje ko “Intambara bari kurwana ari iyo guhushya burundu uyu Mutwe”.
