Umukinnyi w’ikipe y’Igihugu y’Ubwongereza na Manchester City, , Jack Peter Grealish, yanyweye inzoga mu buryo budasanzwe mu rwego rwo kwishimira ibikombe bitatu batwaye muri uyu mwaka w’imikino, by’umwihariko icya UEFA Champions League.
Guhera ku wa Gatandatu taliki 10 Kamena 2023 ikipe ya Manchester City yegukana igikombe cya Champions League 2023 itsinze Inter Milan 1-0, abakinnyi b’iyi kipe Manchester City bahise batangira ibirori kugeza n’uyu munsi.
Iki gikombe cyaje kiyongera ku cya Shampiyona n’icya FA Cup batwaye batsinzw Manchester United ku mukino wa nyuma.
Ibi byatumye bahita banakuraho agahigo kari karashyizweho na Manchester United mu 1999 ko kwegukana ibikombe 3 mu mwaka umwe w’imikino.
Ibi birori by’abakinnyi ba Manchester City bigizwe ahanini no kunywa inzoga cyane, byagera kuri Jack Grealish bikaba ibindi.
Uyu musore usanzwe uzwiho gukunda agatama, amakuru aravuga ko kuva ku wa Gatandatu nta kindi kimutunze uretse inzoga.
Amafoto ari gushyirwa hanze n’Ibinyamakuru bitandukanye, aragaragaza Jack ari kwirenza amacupa y’inzoga.
Ikinyamakuru The Sun cyashize hanze amafoto agaragaza Jack Peter Grealish yagowe no kugenda ku buryo yari arandaswe.
Julian Álvarez bakinana, yatangaje ko ari kunywa buri kintu cyose kinyobwa ari guhura nacyo.
Amafoto