Amashuri n’Ubucuruzi mu Mujyi wa Rubavu, byasabwe kuba bifunze byagateganyo, abanyeshuri basabwa gusubira mu Rugo, nyuma y’uko intambara ihanganishije Ingabo za Repubulika ya Demokarasi ya Congo (FARDC) n’Umutwe wa M23, yatumye amwe mu Masasu arenga umupaka akagwa mu Rwanda.
Iyi nyambara yatangiye guca ibintu guhera mu mpera z’Icyumweru gishize, yakomeje kurikoza no kugeza ku Gicamunsi cyo kuri uyu wa mbere, nk’uko Ikinyamakuru The Newtimes dukesha iyi nkuru cyabitangaje.
Mu gihe ibintu bikomeje gufata indi ntera, Umutwe w’Abarwanyi wa M23, watangaje ko wafashe Umujyi wa Goma, uhana imbibi n’uwa Gisenyi (Rubavu).
Goma niwo Mujyi ukomeje mu yo mu Burasirazuba bwa Repubulika ya Demokarasi ya Congo.
N’ubwo imirwano ikomeje, u Rwanda ntabwo ruratangaza ku mugaragaro ko imipaka ifunze, gusa ku ruhande rwa Repubulika ya Demokarasi ya Congo, yatangaje ko yashyizeho Umuryango.
Umuvugizi w’Ingabo z’u Rwanda, Brig. Gen. Ronald Rwivanga, yatangaje ko bimwe mu bisasu byarashwe n’Ingabo za Repubulika ya Demokarasi ya Congo byaguye ku butaka bw’u Rwanda, aha mu Karere ka Rubavu.
Yavuze ko izi ngabo zikorana n’Umutwe wa FDLR, wasije ukoze Jenoside yakorewe Abatutsi mu Rwanda.
Uretse amashuri abanza n’ayisumbuye, abiga muri Kaminuza yigisha Ubukerarugendo izwi nka UTB, nabo basabwe kuba busubiye aho bacumbitse, nyuma y’uko hari amasasu yaguye ahubatse amashuri bigiramo.
Amafoto
