Umuherwe Bill Gates uri mu bagwizatungo ba mbere isi ifite, yatangaje ko umukobwa we Phoebe yamubwiye ko umunsi azagera muri Nigeria azagira amahirwe yo kubona abahanzi nka Burna Boy na Rema.
Ubwo yari mu nama “Advancing Africa” yiga ku buryo urubyiruko rwo muri Afurika rwa kwihangira imirimo muri Siyansi, yavuze ko umukobwa we akibimubwira yahise ajya gushaka amakuru kuri aba bahanzi asanga bakora injyana ya Afro Beats kandi irimo ubuhanga bwinshi.
Uyu muherwe wumvikanishaga ko aba bahanzi Burna Boy na Rema ari bashya, yavuze ko bwa agenderera iki gihugu gituwe kurusha ibindi muri Afurika yagize amahirwe yo gutaramirwa n’abahanzi Davido na Wizkid bari bagezweho.
Ni gute iyi mvugo iri gukongeza Uburakari hagati y’Abafana ba Davido na Burna Boy?
Nanyujije amaso ku rubuga rwa Twitter nsanga intambara y’amagambo yadutse hagati y’abafana b’ibihangange bibiri mu muziki w’Afurika bipfa amagambo ya Bill Gates.
Abafana ba Davido baravuga ko uyu muherwe yunze mu ry’uyu muhanzi wari uherutse gutangaza ko Burna Boy na Rema bari mu bahanzi bashya bafite impano nziza, ishobora kugeza kure umuziki wa Nigeria.
Abafana ba Burna Boy bo baravuga ko Davido n’uyu muherwe bibeshya cyane ku mateka y’Umuhanzi Burna Boy mu muziki, bakavuga ko yaje mbere kandi ko yamenyekanye mbere yuko abahanzi benshi bo muri Nigeria bamenyekana.
Hari abandi bafana ba Burna Boy ariko bavuga ko umuhanzi bafana akomeje guca uduhigo mu isi, ibivugwa bikaba biterwa n’ishyari abarimo Davido na Wizkid bamufitiye.