Imikino ya shampiyona y’ikiciro cya mbere n’icya kabiri mu bagabo mu Rwanda igeze mu mahina, ibi ni nako bihagaze mu y’abagore.
Ifatanyije n’Ishyirahamwe rya Basketball mu Rwanda, THEUPDATE yaguteguriye inkuru igaruka ku mibare ya buri kiciro.
Kuri ubu, Shampiyona y’icyiciro cya mbere mu bagabo, hamaze gukinwa umunsi wa 20 w’imikino yo kwishyura.
Iyi shampiyona hakaba hazakinwa imikino igera kuri 22 (regular season).
Ikipe imaze gukina imikino myinshi, yakinnye igera kuri 21, bisobanuye ko isigaje umukino umwe ngo isoze imikino ya shampiyona (regular season).
Ni mu gihe imaze gukina imikino micye imaze gukina igera kuri 14.
Uyu mwaka, hazamanuka amakipe 4 azaba yasoje mu myanya ya nyuma ndetse hazazamuke amakipe 2. Ibi bisobanuye ko umwaka utaha tuzaba dufite amakipe 10 murishampiyona y’icyiciro cya mbere.
Amakipe 4 ya mbere azakina PLAYOFFS. Muri 1/2, hazabaho gutanguranwa gutsindanwa mu mikino 5 (Best of 5) naho ku mukino wa nyuma bizaba ari mu mikino 7 (Best of 7).
Abagore
Shampiyona y’icyiciro cya mbere mu bagore, imaze gukinwa kugeza ku munsi wa 7 w’imikino yo kwishyura.
Iyi shampiyona hakaba hazakinwa imikino igera kuri 14 (Regular Season).
Ikipe imaze gukina imikino myinshi, yakinnye igera kuri 11, bisobanuye ko isigaje imikino 3 ngo isoze imikino ya shampiyona (regular season).
Ni mu gihe imaze gukina imikino micye imaze gukina igera kuri 9.
Abagabo ikiciro cya kabiri
Shampiyona y’icyiciro cya kabiri mu bagabo (A & B), hamaze gukinwa umunsi wa 12 w’imikino yo kwishyura.
Iyi shampiyona hakaba hazakinwa imikino igera kuri 16 (Regular Season).
Ikipe imaze gukina imikino myinshi, yakinnye igera kuri 16, bisobanuye ko yasoje imikino ya shampiyona (Regular season).
Ni mu gihe imaze gukina imikino micye imaze gukina igera kuri 13.
Amakipe abiri muri buri tsinda (A&B) ya mbere azakina PLAYOFFS.
Ikipe ya Rusizi BBC ni yo kipe itari yatsindwa umukino n’umwe (mu itsinda ryayo A).
Ku rundi ruhande, UK BBC na Spartans nta mukino n’umwe baratsinda mu mikino 14 bamaze gukina.
