Abahoze bakina Umukino wa Cricket mu Rwanda ariko bakaba batakiwukina bya Kinyamwuga, bagiye gukina Umukino wa Gicuti na bagenzi babo bo mu gihugu cya Nijeriya.
Uyu mukino uzahuza impande zombi, utegenyijwe kuri iki Cyumweru tariki ya 09 Kamena 2024, ukazakinirwa kuri Sitade Mpuzamahanga y’Umukino wa Cricket i Gahanga mu Karere ka Kicukiro.
Uyu mukino ukinwa ku Munsi ukurikiye isozwa ry’Irushanwa ryo Kwibuka Jenoside yakorewe Abatutsi mu Rwanda mu 1994.
Mu gihe u Rwanda rwibuka ku nshuro ya 30 Jenoside yakorewe Abatutsi mu Rwanda mu 1994, Ishyirahamwe ry’Umukino wa Cricket mu Rwanda (RCA), ryateguye Irushanwa ryo Kwibuka Jenoside yakorewe Abatutsi, riri gukinwa ku nshuro ya 10.
Tugarutse kuri uyu mukino uzahuza abakanyujijeho mu Mukino wa Cricket mu Rwanda no muri Nijeriya, impande zombi zivuga ko uyu mukino ukinwa hagamijwe gusigasira Umubano Amashyirahamwe y’Umukino wa Cricket mu bihugu byombi, asanzwe afitanye.
Abakinnyi bagize Ikipe y’abahoze bakina Cricket mu Rwanda izwi nk’Abakambwe:
1. Dennis Taga Mukama
2. Emmanuel Byiringiro
3. Charlie Haba (C)
4. Vip Kumar
5. Srinath Vardhineni
6. Eric Hirwa
7. Cathia Uwamahoro
8. Julius Mbaraga
9. Steven Musaale
10. Zaid Khana
11. Alexander Banalya
12. Bob Bashir Songa
13. Frobisher Paul Mugambwa
14. Dr. Ken Ruzindana
15. Desire Manirambona
16. Hamza Nkuutu
17. Coach Laurence Mahatlane
Abakinnyi bagize Ikipe y’abahoze bakina Cricket muri Nijeriya izwi (4 O’clock):
1. Michael Nuwagaba
2. Francis Otieno
3. Norman Batanda
4. Uyi Akpata
5. Barnaby Ephraim (C)
6. Victor Eimunzeze
7. Tayo Atoloye
8. Peter Isibor
9. Obi Olloh
10. Leke Oyede
11. Richson Tetteh
12. Fitz Gerrald.
Irushanwa ryo Kwibuka ku nshuro ya 30 Jenoside yakorewe Abatutsi mu 1994, ryatangiye tariki ya 30 Gicurasi, bikaba biteganyijwe ko risozwa kuri uyu wa Gatandatu tariki 8 Kamena 2024.
Ryitabiriwe n’Ibihugu 8 bigizwe na; Uganda, Kenya, Nijeriya, Kameroni, Malawi na Zimbabwe baryitabiriye ku nshuro ya mbere, Botswana n’u Rwanda.
Umukino wa nyuma uzahuza Ikipe y’Igihugu ya Uganda n’iya Zimbabwe, saa 13:15 ku Isaha ya Kigali.
Sitade Mpuzamahanga y’Umukino wa Cricket i Gahanga mu Karere ka Kicukiro, niyo izakira uyu mukino.