Arsenal yatsinze Leicester City igitego 1-0 mu mukino w’umunsi wa 25 wa Shampiyona y’u Bwongereza ikomeza kugumana umwanya wa mbere ku rutonde rw’agateganyo n’amanota 57, aho igubwa mu ntege na Manchester City ifite 55.
Ni mu mukino wabereye kuri sitade ya Leicester City King Power stadium kuri uyu wa Gatandatu tariki 25 Gashyantare 2023, saa kumi nimwe muri shampiyona y’u Bwongereza.
Abakinnyi ba Leicester 11 babanje mu kibuga: Ward; Castagne, Souttar, Faes, Kristiansen; Dewsbury-Hall, Ndidi; Tete, Praet, Barnes na Iheanacho.
Ikipe ya Arsenal yatangiye umukino ikina yihuta cyane kandi inahererekanya neza. Ku munota wa 3 gusa Xhaka yarabonye uburyo bw’igitego ariko arekuye ishoti rikubita kuri myugariro wa Leicister City rijya muri koroneri.
Abakinnyi 11 ba Arsenal babanje mu kibuga: Ramsdale; White, Saliba, Gabriel, Zinchenko; Odegaard, Jorginho, Xhaka; Saka, Martinelli na Trossard.
Abakinnyi ba Leicester City bagezeho bose basubira gukinira inyuma bitewe nukuntu Arsenal yariri kwiharira umupira cyane bakinira mu kibuga hagati.
Mu minota 17 Arsenal yakije umuriro imbere y’izamu rya Leicester City ndetse Bukayo Saka aboba uburyo bwo gutsinda ibitego 2 ariko ntiyabyaza amahirwe umusaruro.
Amakipe yombi yagiye kuruhuka ari 0-0, gusa ubwo igice cya kabiri cyari gitangiye, Arsenal yagitangiranye amashagaga, ibi byanahise biyihira, kuko ku munota wa 56 gusa w’umukino, Umunyabrazil, Gabriel Martinelli yanyeganyeje inshundura ku mupira yari ahawe n’Umubiligi Leandro Trossard.
Uyu musaruro ni nawo wanasoje uyu mukino, mu gihe Arsenal yari ihanze amaso kuri Vitality Stadium ya AFC BOURNEMOUTH ngo irebe ko yayitsindira MANCHESTER CITY.
Gusa, ib ntabwo byayihiriye, kuko MANCHESTER CITY yaje kuhakura intsinzi y’ibitego 4-1 bityo ikomeza kuyisatira kuko ubu ikinyuranyo ari amanota 2 gusa hagati y’aya makipe yombi, n’ubwo Arsenal ifite ikirarane izakina na Everton mu Kwezi gutaha.
