Umunya-Tanzania, Dr Faustine Engelbert Ndugulile yatorewe kuba Umuyobozi Mukuru w’Ishami ry’Umuryango w’Abibumbye ryita ku Buzima muri Afurika.
Ni umwanya yatorewe ku wa Kabiri mu matora yabereye muri Congo Brazzaville.
Uyu mwanya kandi wahatanirwaga n’abandi bakandida bo mu bihugu bya Senegal, u Rwanda na Niger.
Perezida wa Tanzania, Samia Suluhu Hassan yashimiye Dr Ndugulile wegukanye amwifuriza ishya n’ihirwe muri ako kazi.
Dr Ndugulile yari asanzwe ari Umudepite uhagarariye agace ka Kigamboni mu gihugu cye cya Tanzania.
