Umunyarwandakazi wigaruriye imitima ya benshi kubera ikimero afite kigusha abatari bacye, Kirenga Phiona uzwi nka Yolo the Queen yatunguye benshi avuga ko atwite mu butumwa yanyujije kuri story ya Instagram.
Yolo the Queen ni umukobwa ugaragara ku Mbuga nkoranyambaga cyane ariko na none nubwo azwi akunda kugira ubuzima bwe ibanga cyane.
Kuri iyi nshuro, yatunguranye atangaza ko atwite, nyuma y’uko umwe mu bantu bari bamwandikiye kuri Instagram amubaza impamvu adaheruka gushyira hanze amafoto mashya, maze mu kumusubiza agira ati “ndatwite”.
Ni umukobwa utarigera agaragaza umukunzi we.
Yigeze kuvugwa mu mubano wihariye n’umuhanzi w’Umunyamerika Aubrey Drake Graham uzwi nka Drake, umuhanzi ukomoka muri Tanzania, Rajab Abdul Kahali uzwi nka Harmonize na we aheruka gutangaza ko ari mu rukundo n’uyu Munyarwandakazi ariko nta kintu yigeze we abivugaho.
