Real Madrid yatangaje ko mu mwaka w’imikino utaha, Abanya-Brazil babiri bayikinira basatira Izamu aribo ‘Vinícius José Paixão de Oliveira Júnior uzwi nka Vinicius na Rodrygo Silva de Goes’ bazatangira kwambara nimero nshya.
Ibi bikozwe mu gihe nta gihe gishize iyi kipe itandukanye n’abakinnyi na Karim Benzema, Eden Hazard na Marco Assensio.
Igenda ry’abo ryatumye nimero 7,11, n’i 9 zisigarira aho.
Ibinyujije ku mbuga nkoranyambaga zayo, Real Madrid yatangaje ko kuva mu kwezi kwa 7 , Vinicius Junior wambaraga nimero 20 azajya yambara nimero 7 yambarwaga na Eden Hazard.
Muri iri tangazo, yahamije ko Rodrygo Goes wambaraga nimero 21 azajya yambara nimero 11 yambarwaga na Marco Assensio.
Yaboneyeho no gutangza ko umukinnyi mushya Fran Garcia azajya yambara nimero 20, mu gihe Jude Bellingham yasabwe kuba ategereje.
