Umunyarwandakazi Uwineza Camila, ayoboye rw’abitabiriye Irushanwa rya Global Top Model abikesheje amajwi yo kuri Murandasi.
Nyuma y’Icyumweru aya Marushanwa atangiye, Uwineza ufite No2 nk’ikimuranga, aza ku mwanya wa mbere n’amajwi 3,034.
Uwineza akurikiwe na Annette Mbabazi ufite N04 n’amajwi 2,980, Muziranenge Alice ufite No10 n’amajwi 2,819 ku mwanya wa gatatu mu gihe Mushimiyimana Anita ufite No31 ari ku mwanya wa kane n’amajwi 2,213.
Abakobwa 44 muri 88 bari biyandikishije bagaragaza ko bafite ubushake bwo guhatana mu Banyamideri bifuza kugera ku rwego mpuzamahanga.
Abo 44 batsinze bari guhatana mu kiciro cy’amatora kiri gukorerwa kuri Murandasi, hakazavamo 20 bazagera mu gice cya nyuma.
Aba 20 nabo bakazavamo abandi batatu ari nabo bazegukana Irushanwa, bakazajya guhatana mu Marushanwa mpuzamahanga yo ku rwego rw’Isi.
Ndekwe Paillette uhagarariye Embrace Africa itegura aya Marushanwa, yabwiye Itangazamakuru ko batoranyije 44 bashingiye ku bintu binyuranye.
Ati:”Ku ikubitiro dutoranya Umukobwa wujuje ibyo Amarushanwa mpuzamahanga asaba Aanyamideri. Aha, duhitamo ababyujuje kurusha abandi”.
Yunzemo ati:”Ndashimira Leta y’u Rwanda uburyo ishyigikira Urubyiruko mu kugaragaza Impano zabo, kuko bibafasha muri byinshi, aho guta umwanya mu Biyobyabwenge n’ibindi bibangiriza ejo hazaza”.
Uretse Gretta Iwacu wari warigeze guhatana muri aya Marushanwa, abandi bose ni amasura mashya.
Amafoto
