Urukiko rwo muri Uganda rwakatiye Thomas Kwoyelo wahoze ari umuyobozi w’inyeshyamba za Lord’s Resistance Army imyaka 40 y’igifungo.
Thomas ashinjwa ibyaha 44 birimo iby’ubwicanyi, gufata ku ngufu, gushimuta n’ibindi, gusa we byose arabihakana.
Thomas Kwoyelo ni we muyobozi wa mbere w’umutwe wa Lord’s Resistance Army uburanishijwe n’Urukiko rwo muri Uganda.
Urukiko rwo muri Uganda rwanze kumukatira igihano cy’urupfu cyangwa icya burundu, kuko yinjiye muri uyu mutwe akiri umwana nyuma ahinduka umusirikare.
Umutwe w’inyeshyamba za Lord’s Resistance Army washinzwe mu 1980, ushinjwa kugira ibikorwa byo guhungabanya umutekano w’abaturage muri Uganda by’umwihariko mu Majyaruguru y’iki gihugu.
Unazwiho gushimuta abana ukabashora mu bikorwa bya gisirikare abandi bagafatwa ku ngufu.
Thomas Kwoyelo na we ari mu bana bashimuswe afite imyaka 12 y’amavuko nyuma ahinduka umusirikare. (RBA)
