Ikipe ya Napoli yegukanye igikombe cya kane cya shampiyona nyuma yo gutsinda Cagliari ibitego 2-0.
Ibitego byahaye gikombe Napoli, byatsinzwe na Scott McTominay ku munota wa 42 na Romelu Lukaku ku munota wa 51.
Uretse gutsinda kimwe mu bitego byatanze Igikombe, Scott McTominay yanahembwe nk’umukinnyi mwiza wahize abandi muri iyi shampiyona mu mwaka w’i 2024-25.
Byasabye gutegereza umunsi wa nyuma wa shampiyona [38], kugira ngo yegukanye iki gikombe, cyane ko yakubanaga na Inter Milan.
Mbere yo gukina umukino w’umunsi wa nyuma, Napoli yari iyoboye shampiyona n’amanota 79, irarusha inota rimwe gusa Inter Milan.
Abasore b’Umutoza w’Umutaliyani, Cristian Stellini, baherukaga kwegukana igikombe cya Shampiyona mu 2023.
Iki gikombe, cyaje gikuraho igihe cy’imyaka 33 yo gutegereza, bataza uko kwegukana shampiyona bimera.
Igikombe cya mbere cya shampiyona yakegujanye mu mwaka w’i 1986-87 ubwo yakinwagamo na kizigenza Diego Maradona.
Uyu Diego Maradona, yanaje kwiturwa kwitirirwa Sitade Napoli isigaye ikiniraho, nyuma y’uko yitabye Imana mu 2022.
Uretse igikombe cyo mu 1986-87, Maradona kandi yahaye Napoli ikindi gikombe cya Shampiyona mu mwaka w’i 1989-1990.
Nyuma yo kubura igikombe cyari kuba icya 21 ku ruhande rwa Inter Milan, iri kwitegura gucakirana na PSG tariki 31 Gicurasi [5] 2025, mu mukino wa nyuma wa UEFA Champions League, uzabera kuri Sitade ya Bayern Munchen, Allianz Arena.
Shampiyona y’Ubutaliyani ntabwo igikurikirwa cyane nk’uko byahoze mu myaka ya za 1990, ariko yerekana ko ifite amakipe akomeye ku Mugabane w’Uburayi, cyane ko nka Inter Milan igiye gukina umukino wa nyuma wa UEFA Champions League inshuro ya 2 mu Myaka itatu iheruka.
Amafoto
