Mu gihe Shampiyona y’Igihugu y’Ubufaransa ibura imikino 8 ngo irangire, Ikipe ya Paris Saint Germain yamaze kwibikaho Igikombe cyayo.
Bitandukanye n’izindi shampiyona zikomeye ku mugabane w’Uburayi, iyo mu Bufaransa yo byamaze gusobanuka.
Abakunzi ba PSG [Paris Saint Germain] bari muri Sitade ikiniramo ya Parc des Princes, baraye bishimiye kwegukana igikombe cya shampiyona nyuma y’igitego cyo ku munota wa 55 cyatsinzwe na Desire Doues mu mukino bari bakiriyemo Angers.
Amanota 24 irusha AS Monaco iyigwa mu ntege, n’ubwo yatsindwa imikino yose isigaye AS Monaco ikayitsinda yose, ntabwo yayinyuraho.
Iki gikombe cyabaye icya 13 mu mateka n’icya 4 itwaye yikurikiranya. Muri ibi bikombe 13, 11 yabitwaye guhera mu 2011 ubwo yamenwagamo imari n’Abanya-Qatar.
Nyuma yo kwegukana igikombe cya shampiyona, PSG igiye guhanga amaso umukino wa kimwe cya kane cya Champions League ifitanye na Aston Villa tariki ya 09 Mata 2025.
Kuva yagurwa n’abanya-Qatar, yabaye ikipe ikomeye mu Bufaransa, gusa ku ruhando rw’i Burayi ntabwo irahashyira ikiganza.
Kure yageze, ni ku mukino wa nyuma wa UEFA Champions League yatsinzwemo na FC Bayern Munchen mu mwaka w’i 2020-21.
Amafoto
