Ikigo cy’Igihugu gishinzwe iterambere RDB, cyashyize hanze itangazo ryihaniza Sunday Park , inacibwa amande y’Ibihumbi 300 Frw bitewe n’icyo RDB yise imitangire mibi ya serivisi.
Sunday Park ikorera mu Gishanga cya Kacyiru ho mu Karere ka Gasabo, ikaba itanga serivisi zirimo aho kwifotoreza, imyidagaduro n’ibirori binyuranye.
Ibinyujije ku mbuga nkoranyambaga zayo zirimo na Twitter, RDB yagize iti:”Hashingiwe ku bibazo byagaragajwe bijyanye na serivisi mbi zitangirwa kuri Sunday Park, hakiyongera ho n’ubugenzuzi bwakozwe na RDB, turabamenyesha ko Sunday Park yihanijwe ndetse ikanacibwa amande y’Ibihumbi 300 by’Amafaranga y’u Rwanda.
RDB ikaba yaboneyeho gusaba buri wese gutanga amakuru mu gihe ahawe serivisi zitanoze kugira ngo zirusheho kunozwa kuko biri mu burenganzira busesuye,bwa muntu, ndetse ntaw’ugomba kubapfunyikira ngo babirenze ingohe.