Umukinnyi mpuzamahanga w’Umunyarwanda, Mugisha Bonheur yatangajwe nk’umukinnyi w’ikipe ya Al Ahli Tripoli yo muri Libya nyuma yo gushyira umukino ku masezerano yo kuyikinira mu gihe cy’Imyaka ibiri (2) iri imbere.
Mbere yo kwerekeza muri Libya, Mugisha yari ategerejwe mu ikipe ya Stade Tunisien yo mu gihugu cya Tuniziya ndetse iyi yari yamwoherereje n’ubutumire, gusa ntago yigeze imwoherereza itike y’Indege, ari nabyo byamuviriyemo guhita ahanga amaso i Tripoli.
Kwerekeza muri Libya, yabifashijwemo n’umwe mu batoza babanye nawe mu ikipe ya APR FC, gusa THEUPDATE ntago yashoboye kumumenya.
Mugisha yageze i Tripoli ku wa Gatandatu tariki 15 Nyakanga 2023, akorana n’iyi kipe imyitozo y’iminsi ibiri (2), ihita imusinyisha itajijinganyije.
Mbere yo kerekeza i Tripoli, Mugisha yanyuze mu makipe arimo Heroes FC ari nayo yazamukiyemo, akomereza muri and Mukura VS&L, nyuma yerekeza muri APR FC yari amazemo imyaka ibiri (2).
Amasezerano yari afitanye na APR FC yarangiye tariki ya 30 z’Ukwezi gushize (Kamena) 2023.
