Nyuma yo guhindura Politike yari imaranye imyaka isaga 10 yo gukoresha abakinnyi b’Abanyarwanda gusa, kuri ubu APR FC yerekeje amaso kongera gukoresha abakinnyi b’abanyamahanga, amakuru agera kuri THEUPDATE arahamya ko yasinyishije Umutoza mpuzamahanga w’Umufaransa Thierry Froger waherukaga gutoza ikipe ya As Arta Solar 7 yo mu gihugu cya Djibouti.
Amakuru y’isinyishwa ry’uyu mutoza, yatangajwe na Karenzi Samu umwe mu banyamakuru bakurikiranira hafi amakuru ya APR FC ku rwego rwo kwizerwa.
Uyu mugabo wavutse tariki ya 21 Werurwe 1963, ni umutoza w’ibigwi bihambaye mu gutoza by’umwihariko ku mugabane w’Afurika.
Mbere yo kwinjira mu mwuga w’ubutoza, yabanje kuba umukinnyi aho yakinaga nka myugariro.
Atangira umwuga wo guconga ruhago, yawutangiriye mu Mujyi yavukiyemo wa Mans, akina mu ikipe ya Stade Olympique du Mans guhera mu 1971 kugeza mu 1978.
Akinira ikipe y’Ubufaransa y’abana, yitabiriye irushanwa Tournoi de Montaigu mu 1977.
Nyuma y’iri rushanwa, yahise yerekeza mu ikipe ya LOSC Lille yakinnyemo mu gihe cy’Imyaka umunani (8).
Nyuma yo kukanyuzaho muri LOSC Lille, yerekeje mu ikipe ya Grenoble mu 1986.
Yerekeza ku musozo wo guconga ruhago, yagarutse mu rugo aho yazamukiye mu ikipe ya Mans aza kuhasoreza.
Umwuga wo gutoza
Thierry Froger yatangiye kwiga amasomo yo gutoza hagati y’i 1990-1994, muri MUC72.
Mu mwaka w’i 1996 yahise atangira gutoza iyi kipe ya muzamuye ya Mans FC ubwo yakinaga muri Shampiyona y’ikiciro cya kabiri mu Bufaransa.
Ni nyuma y’uko mu 1995 yari yabaye umwungiriza w’umutoza Denis Troch wari umutoza mukuru wa Mans FC.
Nyuma yo gutoza Mans FC, yahise yerekeza mu ikipe ya LOSC Lille mu kiciro cya mbere mu Bufaransa, ayifasha gusoreza ku mwanya wa kane muri Shampiyona.
Gusa nyuma y’Umwaka umwe, mu 1998 yahise asezerwa n’iyi kipe bitewe n’umusaruro mubi yari amaze kugira muri uwo mwaka w’imikino. Icyo gihe, yahise asimbuzwa Vahid Halilhodžić.
Nyuma yo guhambirizwa muri LOSC Lille, yaje kwerekeza mu ikipe ya La Berrichonne de Châteauroux asimbuye Joël Bats. Muri iyi kipe, yamazemo imyaka ine.
Nyuma y’imyaka ine muri Châteauroux, yerekeje mu ikipe ya Gueugnon gusa, aha ntago yahiriwe kuko atigeze ayifasha kuyambutsa urwobo rwo kumanuka.
Kimwe mu bihe bihambaye kuri uyu mugabo, ni uko mu 2004, yatowe nk’umutoza wahize abandi muri Shampiyona y’ikiciro cya kabiri mu Bufaransa (League 2).
Nyuma yo gutorwa nk’umutoza mwiza wa League 2, Thierry Froger yahise abengukwa n’ikipe ya Stade de Reims muri Kamena y’i
Atoza ikipe ya Stade de Reims, yayimazemo imyaka 3. Muri iyi myaka, yayifashije kugera mu mikino ya 1/2 cya Coupe de la Ligue. Yaje gusimburwa na Didier Tholot muri Kamena y’i .
Muri Kamena y’i 2010, yahise yerekeza mu mwuga wo gutoza amakipe y’Ibihugu, ahera mu ikipe y’Igihugu ya Togo.
Gusa, aha ntago yaharambye kuko muri Werurwe ya 2011 yahise atandukana nayo.
Muri uyu mwaka, imbere y’imbaga y’abafana batagira ingano, yasinyije ikipe ya Nîmes Olympique.
Asinya muri iyi kipe, yari ku mwanya wa 17 muri Shampiyona y’ikiciro cya kabiri ibura inota rimwe gusa ngo imanuke mu kiciro cya gatatu (National). Gusa, ntago yigeze ayicungura, kuko uwo mwaka w’i 2011-12 yamanukanye nayo.
Muri Mutarama y’i 2012, yasimbuye Stéphane Le Mignan nk’umutoza w’ikipe ya Vannes Olympique Club mu kiciro cya gatatu (National).
Muri iyi kipe ntacyo yigeze ayifasha, kuko yasoreje ku mwanya wa 17, ibura uko izamuka mu kiciro cya kabiri, ihita imusezerera.
Amakipe yatoje
| Années | Club | |
| 1971–1978 |  SO Maine Le Mans | |
| 1978–1986 | Lille OSC | |
| 1986–1987 | FC Grenoble | |
| 1987–1991 | Le Mans UC | |
| Parcours entraîneur | ||
|---|---|---|
| Années | Équipe | Stats |
| 1990–1994 | Le Mans UC | formation |
| 1994–1997 | Le Mans UC | |
| 1997–1998 | Lille OSC | |
| 1999–2003 | LB Châteauroux | |
| 2003–2004 | FC Gueugnon | |
| 2005–2008 | Stade de Reims | |
| 2010–2011 |  Togo | |
| 2011–2012 | Nîmes Olympique | |
| 2013–2014 | Vannes OC | 14v 22n 21d |
| 2015 | US Créteil-Lusit. | |
| 2017 |  TP Mazembe | |
| 2018–2019 |  USM Alger | |
| 2020–2021 | USM Alger | |
