Ku gicamunsi cyo kuri uyu wa Mbere tariki ya 10 Nyakanga 2023, Ikipe y’Ingabo z’u Rwanda, APR FC, yatangaje ko yasinyishije rutahizamu w’imyaka 22 y’Amavuko ukomoka mu gihugu cya Kameroni, Apam Assongwe Bemol.
Apam wabonye izuba tariki ya 15 Kamena 2001, yasinyiye iyi kipe yambara Umweru n’Umukara amasezerano y’Imyaka ibiri.
APR FC imwitezeho kuyifasha kwesa umuhigo mu mikino ny’Afurika, by’umwihariko irimo CAF Champions League, imikino ihuza amakipe yegukanye ibikombe bya Shampiyona mu bihugu byayo.
Hamwe n’ikipe y’Igihugu cya Kameroni, yakinnye igikombe cy’Afurika cy’abatarengeje imyaka 20, akinamo iminota 151 mu mikino ine, atsindamo igitego kimwe.
APR FC yamusinyishije imukuye mu ikipe ya APEJES Academy de Mfou ibarizwa mu Mujyi wa Yaounde muri Kameroni.
Amafoto
