Hezbollah irashinjwa kugaba Igitero mu Misozi ya Golan yigaruriwe na Israel, gihitana Abana 12 bari mu kibuga cy’Imikino bakina Umupira.
Nyuma y’iki gitero, Ingabo zirwanira mu Kirere za Israel, zatangaje ko zarashe ku Bigo bya Gisirikare by’uyu Mutwe.
Iki gitero cyagabwe mu Mujyi wa Majdal Shams utuwemo n’abaturage bo mu Bwoko bw’aba-Druze. Gusa, iki gitero cyamaganywe na Hezbollah.
Kuri iki Cyumweru, Ingabo za Israel zatangaje ko zarashe ku Bigo 7 bya Hezbollah mu rwego rwo kwihorera. Iki gitero cyagabwe ku Butaka bwa Libani rwagati.
Kuva mu Kwezi kwa 10 k’Umwaka ushize, ugukozanyaho hagati ya Israel na Hezbollah byakomeje gufasha intera kuva igihe Israel igabiye ibitero muri Gaza. Uku gukozanyaho, hari impungenge ko gushobora kubyara Intambara yeruye.
Iki gitero cyagabwe kuri uyu wa Gatandatu, nicyo cya mbere cyahitanye abantu benshi ku butaka bwa Israel kuva tariki ya 27 Ukwakira 2023, ubwo Hamas yagabaga igitero mu gace ka Kibutsi.
Hezbollah ivuga ko ihanganye na Israel mu rwego rwo kwifatanya n’Abanyapalestina mu bitero bagabweho na Israel.
Minisitiri w’Intebe wa Israel, Benjamin Netanyahu, yatangaje ko byanze bikunze, bazihorera kuri iki Gitero cyagabwe na Hezbollah.