Imvune zikomeje kwiyongera mu Ikipe ya Arsenal, mu gihe imikino igeze aho rukomeye.
Nyuma y’abakinnyi nka Saka, Gabriel Martinelli wavunikiye mu mukino wa ½ cya Calabao Cup, Arsenal yatsinzwemo ibitego 2-0, azamara hanze Ibyumweru bitandatu.
Uyu mukinnyi mpuzamahanga w’Umunya-Brazil, asanze mugenzi we Gabriel Jesus ufite imvuye y’igihe kirekire.
Umutoza wa Arsenal, Mikel Arteta, yijujutiye ubuyobozi bwa Arsenal, bitigeze bumugurira umukinnyi mu gihe cy’Isoko ry’igura n’igurisha ryo mu kwezi kwa mbere, nyamara abakinnyi Ikipe isanzwe igenderaho bugarijwe n’imvune.
Imvune ya Martinelli, izamusibya imikino ya Shampiyona irimo umukino wa Leicester City, West Ham United na Nottingham Forest.
Uretse iyi mikino, harimo kandi iy’amakipe akomeye nka; Manchester United na Chelsea.
Ni mu gihe kandi aramutse adakiriye igihe, atakina imikino ya ⅛ cy’Irushanwa rihuza amakipe y’Ibihangange ku Mugabane w’i Burayi, UEFA Champions League.