Ikipe ya FC Barcelona ikomeje kugarizwa n’imvune mu gihe urugamba rw’igikombe cya Shampiyona y’i 2024-25 rugeze mu mahina.
Mu mukino wa Shampiyona w’ikiraranye yatsinzemo ikipe ya Osasuna ibitego 3-0, Dani Olmo yawukuyemo imvune yagize ku munota wa 28 gusa w’umukino.
Intsinzi yo kuri Osasuna, yashimangiye umwanya wa mbere kuri FC Barcelona n’amanota 63, irusha amanota atatu Real Madrid iyigwa mu ntege na Atletico Madrid iri ku mwanya wa gatanu irushanwa amanota 7.
Uyu mukino wagombaga gukinwa tariki ya 08 Werurwe 2025, ariko usubukwa n’urupfu rutunguranye rwa Dr. Carles Minarro wari Umuganga wa FC Barcelona.
Ibitego byo muri uyu mukino, byatsinzwe na Ferran Torres, Dani Olmo na Robert Lewandowski.
N’umukino utakinwe na kapiteni wa FC Barcelona, Raphinha, nyuma y’umunaniro yakuye mu rugendo rw’Ikipe y’Igihugu ya Brazil.
Ibisubizo bya muganga, bigaragaza ko Olmo azamara hanze y’ikibuga ibyumweru bibiri.
Imvune ya Olmo izamusibya imikio itatu irimo uwa Atletico Madrid mu gikombe cy’Umwami, uwa Girona na Real Betis muri Shampiyona.
Dani Olmo asanze hanze y’ikibuga abarimo Umunyezamu ‘Marc Ter Stegen na Marc Bernal’ bari hanze y’ikibuga kugeza uyu mwaka w’imikino urangiye. Hari kandi, Marc Casado na Andreas Christensen.
Mu mikino imaze gukina muri uyu mwaka w’i 2025, FC Barcelona ntiratsindwa umukino n’umwe.
Imaze gutsinda imikino 16, inganya imikino. Yinjije ibitego 61 muri iyi mikino 19 yose hamwe.
Kuva uyu mwaka w’imikino w’i 2024-25 watangira, imaze gutsinda ibitego 135, yinjiwza 19 gusa.
Amafoto
