Ibikesheje gutsinda ikipe z’Ibihugu by’u Rwanda na Botswana, ikipe y’Igihugu ya Nigeriya niyo iyoboye urutonde rw’amakipe y’Ibihugu 5 yitabiriye Irushanwa ryo kwibuka Jenoside yakorewe Abatutsi mu Rwanda mu 1994, “Kwibuka Women’s T20 Tournament” riri gukinwa ku nshuro ya Cyenda (9).
Iri rushanwa ryatangiye gukinwa ku wa Gatandatu w’Icyumweru gishize, rifungurwa n’umukino wahuje u Rwanda na Botswana.
Muri uyu mukino, u Rwanda rwatsinze Botswana ku kinyuranyo cy’amanota 20.
Mu gihe umukino wa kabiri wakinwe kuri uwo munsi, Uganda yatsinze Botswana ku kinyuranyo cy’amanota 29.
Imikino yakinwe ku wa Gatandatu
- RWANDA 66/10(20 Ovrs) vs BOTSWANA 46/10(19,5 Ovrs)
- UGANDA 89/6(20 Ovrs) vs BOTSWANA 60/9(20 Ovrs)
RWANDA 87/7(20 Ovrs) vs NIGERIA 88/4 (18,2 Ovrs)
Nyuma y’uko u Rwanda rutsinze Botswana, umukino wa kabiri ntabwo waruhiriye, kuko twakozwe mu Jisho na Nijeriya ku kinyuranyo cya Wickets 6.
KENYA 91/7 (20 Ovrs) vs RWANDA 95/2 (15,5 Ovrs)
Nyuma y’uyu mukino wa Nijeriya, Kenya nayo ntiyoroheye u Rwanda, kuko yarutsinze ku kinyuranyo cya Wickets 8.
Bivuze ko mu mikino 4 u Rwanda rumaze gukina, rumaze gutsindamo umwe (Botswana), mu gihe rwatsinzwe itatu (Nijeriya, Uganda na Kenya).
BOTSWANA 97/6 (20 Ovrs) vs NIGERIA 98/4 (16,2 Ovrs)
Uretse ikipe y’Igihugu y’u Rwanda yatsinzwe kuri iki Cyumweru ku munsi wa kabiri w’iri rushanwa, Botswana nayo ntabwo yorohewe, kuko yongeye gutsindwa umukino wa kabiri itsinzwe na Nijeriya ku kinyuranyo cya Wickets 6.
RWANDA 80/7 (20 Overs) vs UGANDA 84/3 (18,1 Ovrs)
Mu yindi mikino yakinwe kuri iki Cyumweru tariki ya 11 Kamena 2023, Uganda yatsinze u Rwanda ku kinyuranyo cya Wickets 7 mu mukino wabereye ku Kibuga cya IPRC-Kigali.
KENYA 95/4 (20 Ovrs) vs NIGERIA 98/7 (16,4 Ovrs)
Uretse uyu mukino wabereye kuri IPRC-Kigali, mu mukino wakiniwe ku Kibuga mpuzamahanga cya Gahanga, Nijeriya yatsinze Kenya ku kinyuranyo cya Wickets 3.
Kuri uyu wa mbere, Nigeria iracakirana na Uganda guhera ku Isaha ya saa 09:30, Botswana icakirane na Kenya ku Isaha ya saa 13:00.
Iyi mikino yombi ikaba iza gukinirwa kuri Sitade mpuzamahanga ya Gahanga.
Amafoto
