Ikipe y’Igihugu ya Kenya n’iya Malawi zakatishije itike yo gukina umukino wa nyuma w’Irushanwa ryo gushaka itike y’Igikombe cy’Isi mu kiciro cy’abangavu batarengeje Imyaka 19.
Zombi zageze kuri uyu mukino nyuma yo gutsinda andi makipe yose zahuriye mu nzira.
Iyi mikino izwi nka ICC U-19 Women’s T20 World Cup Africa Division 2 Qualifiers, imaze hafi Icyumweru iri kubera mu Rwanda, ikaba iza gusozwa kuri uyu wa kabiri.
Uretse gukina uyu mukino wa nyuma, Kenya na Malawi zamaze kubona itike yo kuzamuka muri Division 1, ari nayo izatanga itike ya nyuma.
Izi kipe zombi zashimangiye iyi tike nyuma yo kwitwara neza mu mikino yo kuri uyu wa mbere.
Mu mikino yakinwe mbere ya saa Sita, Botswana yatsinze Eswatini ku kinyuranyo cy’amanota 74, mu Malawi yatsinze Lesotho ku kinyuranyo cy’amanota 154.
Imikino yakinwe nyuma ya saa Sita, Kenya yatsinze Mozambique ku kinyuranyo cy’Amanota 144, Sierra Leonne itsinda Lesotho ku kinyuranyo cy’amanota 97.
Muri uyu mukino, KREESHNA MEHTA ukinira Ikipe y’Igihugu ya Kenya, yatsinze amanita 116, bamufashije gutorwa nk’umukinnyi mwiza w’uyu mukino.
Iyi mikino yo kuri uyu wa mbere yakiniwe kuri Sitade mpuzamahanga ya Cricket iri i Gahanga mu Karere ka Kicukiro mu Mujyi wa Kigali.
Imikino isoza iri rushanwa izakinwa mu buryo bukurikira:
Kuri Sitade ya IPRC Kigali
- Mozambique Vs Sierra Leonne (13:50’)
Kuri Sitade ya Gahanga
- Eswatini Vs Kenya (09:30)
- Botswana Vs Sierra Leonne (09:30)
- Lesotho VS Eswatini (13:50)
- Kenya VS Malawi (13:50).
Amafoto y’imikino yakinwe kuri uyu wa mbere
