Ikipe ya Rivers Hoopers yo muri Nigeria yaraye yegukanye umwanya wa Gatatu mu Irushanwa rya Basketball Africa League (BAL) 2024 nyuma yo gutsinda Cape Town Tigers yo muri Afurika y’Epfo ku manota 80 kuri 57.
Uyu mukino wabereye muri BK-Arena, witabiriwe na Perezida Kagame wari kumwe na Perezida wa Basketball Africa League (BAL), Amadou Gallo Fall; Minisitiri wa Siporo, Munyangaju Aurore Mimosa, Umuyobozi Mukuru wa NBA Africa, Clare Akamanzi n’abandi.
Umukino wa nyuma uteganyijwe kuba ku wa Gatandatu, tariki 1 Kamena 2024, hagati ya Petro de Luanda yo muri Angola na Al Ahly LY yo muri Libya.
