Kuri uyu wa Mbere, ubuyobozi bw’Ishyirahamwe ry’Umukino w’Amagare mu Rwanda, FERWACY, bwakiriye ku meza abakinnyi bavuye muri shampiyona y’Afurika muri Kenya yasojwe kuri iki Cyumweru.
Umuyobozi wa FERWACY, Ndayishimiye Samson yashimye uko bitwaye abasezeranya ko bagiye gushakira umuti zimwe mu mbogamizi bahuye nazo.
Visi Perezida wa FERWACY, Bigango Valentin wari uyoboye delegasiyo yashimye imyitwarire y’abakinnyi muri Kenya anashimira abakinnyi uko bahanganye n’imbogamizi bahuye nazo bishakamo ibisubizo.
Zimwe mu mbogamizi harimo amagare yatinze kubageraho Eldoret.
Yaba Ingabire Diane na Byukusenge Patrick bavuze mu izina ry’abakinnyi bavuze ko bafite ikibazo cy’ibikoresho bitagezweho ndetse ko bakeneye amarushanwa menshi mu bihe biri imbere.
Muri iyi shampiyona y’Afurika yabereye muri Kenya, u Rwanda rwegukanye ibihembo birimo;
- Igihembo cy’Ikipe ivanze (Mixed Relay)
- Women U23 Road Race
- Women Elite & Men U23 Road Race.
Amafoto
