Inkubi y’Umuyaga yiswe Helene yibasiye Leta Zunze Ubumwe za Amerika, imaze guhitana abantu 162 mu gihe abandi bakuwe mu byabo.
Iyi nkubi y’umuyaga uvanze n’imvura idasanzwe yibasiye Amerika cyane cyane muri Leta ya Carolina y’Amajyaruguru.
Ibitangazamakuru birimo BBC dukesha iyi nkuru, biravuga ko Perezida Joe Biden ateganya gusura Leta ya Carolina ya Ruguru kuri uyu wa Gatatu, naho Visi Perezida, Kamala Harris asure Leta ya Georgia, izi zikaba ari Leta zibasiwe cyane.
Izi Leta kandi zibonwa nk’izifite ingufu mu matora y’umukuru w’igihugu ateganyijwe mu Gushyingo uyu mwaka, Donald Trump uhataniye uyu mwanya akaba yarasuye Leta ya Georgia muri iki cyumweru.
Ikinyamakuru, CBS kiravuga ko aba bantu 162 bamaze gupfa ari abo muri Leta 6 zirimo Carolina y’Amajyaruguru, Carolina y’Amajyepfo, Georgia, Florida, Tennessee na Virginia.
Inkubi y’umuyaga iheruka kwibasira iki gihugu ikica abantu benshi ni iyabaye mu 2022 aho yishe 156.
Amafoto
