Ikipe y’Igihugu y’u Rwanda y’abagabo y’abakinnyi bakina ari batatu (3×3), yegukanye Umudali wa Bronze mu gikombe cy’Afurika (FIBA 3×3 Africa Cup), mu mikino yakinirwaga i Antananarivo ku murwa mukuru w’Igihugu cya Madagascar.
Ku mukino wa nyuma waraye ukinywe mu ijoro ryakeye, Madagascar yatsinze u Rwanda amanota 22 kuri 3.
Umudali wa Silver, ukurikiye uwa Bronze u Rwanda rwegukaniye i Cairo mu Misiri mu 2022.
Icyo gihe, u Rwanda rwatsinze Tanzaniya amanota 21-17, rukora amateka yo kwegukana Umudali ku nshuro ya mbere mu gikombe cy’Afurika.
Mu mukino u Rwanda rwaraye rutsinzwe, rwagowe na Livio Ratianarivo watsinze amanota 11 wenyine muri 22 Madagascar yatsinze.
Mu kiciro cy’abagore, Madagascar yegukanye Umudali wa Bronze itsinze Misiri amanota 20 kuri 15.
Muri uyu mukino, Minaoharisoa Jaofera yagoye cyane Misiri, nyuma yo gutsinda amanota 8 na Rebound 6.
Livio Ratianarivo yahembwe nk’umukinnyi wahize abandi muri iri rushanwa mu kiciro cy’abagabo.
Livio Ratianarivo, Olivier Turatsinze (Rw) na Chakib Sedoud (Alg), batowe nk’abakinnyi bagize Ikipe y’irushanwa.
Christiane Jaofera yahize abandi mu bagore. Uyu mukinnyi w’Ikipe y’Igihugu ya Madagascar, Habiba Mohamed (Egy) na Christine Akinyi (Keny), batowe nk’abakinnyi bagize Ikipe y’irushanwa.
Uko amakipe yakurikiranye:
Abagabo
- Madagascar
- Rwanda
- Algeria
- Benin
- Kenya
- Mauritania
- Seychelles
- Central African Republic
- Uganda
- Egypt
Abagore
- Madagascar
- Egypt
- Kenya
- Benin
- Rwanda
- Uganda
- Comoros.
Amafoto
