Ubuyobozi bwa Rayon Sports buremeza ko bwafatiye ibihano biremereye Rutahizamu Moussa Camara. Ni nyuma y’uko bivugwa ko amaze igihe agaragarwaho n’imyitwarire itari myiza.
Uyu rutahizamu w’Umunya-Mali, arashinjwa agasuzuguro gakabije kamaze igihe kamuranga, aho ngo yakunze kubwira Haringingo Françis watozaga iyi kipe, ko ntabushobozi afite, icyo kintu kikaba cyarababaje ubuyobozi bwa Rayon Sports, ndetse ntikinezeze n’abafana.
Nyuma yo guhagarikwa,Camara ntaramenyeshwa igihe azamara.
Ibi bihano bikurikiye umukino wahuje Rayon Sports n’ikipe ya Intare Fc wabereye i Shyorongi mu irushanwa ry’Igikombe cy’Amahoro cy’i 2023.