09dcbafa0b7ce3ed12987d1d3866a5ff

Vatikani: Papa Fransisiko yashimagije Abanyamakuru ku Munsi wabahariwe

Mu gihe Isi kuri uyu wa Kabiri yizihije Umunsi Mpuzamahanga wahariwe Ubwigenge bwo gutangaza Amakuru, Ishami ry'Umuryango w’Abibumbye ONU/UN ryita ku Bumenyi n’Umuco ‘UNESCO’ rishinzwe ibijyanye n’uyu Munsi, ryemeza ko Abanyamakuru 55 ari bo bishwe bazira Umwuga wabo mu Mwaka ushize w’i 2021.

Ishyirahamwe rishinzwe guharanira Inyungu z’Abanyamakuru, CPJ, ryo rivuga ko Abanyamakuru rizi ko bamaze kugwa mu Ntambara muri Ukraine ari  7.

Reporters Without Borders, Ishyirahamwe ry’Abanyamakuru batagira Imbibi naryo rivuga ko Iperereza ryakoze ryerekana ko hari Abanyamakuru bahohotewe kubera Imyambaro ibaranga, barimo abakora Amakuru mu Ntambara yo muri Ukraine.

Gusa, Reporters Without Borders nta mibare y’abahohoterewe  muri Ukraine ivuga.

Umushumba wa Kiliziya Gatolika, Papa Fransisiko, mu Misa yo ku Cyumweru, nawe yashimagije Ubutwari b’Abanyamakuru baba abiciwe mu Ntambara cyangwa abapfunzwe bazira Umwuga wabo.

 

Yashimiye kandi Abanyamwuga, aho yavuze ko bashyira ahabona Ibikomere by’Isi badatinya.


Comment As:

Comment (0)