Vatikani: Nyuma y’uko Ubuzima bwa Papa Fransisiko butifashe neza, yahagaritse Uruzinduko yagombaga kugirira muri Libani

Papa Faransisiko yasubitse Urugendo yagombaga gukorera mu gihugu cya Libani mu Kwezi kwa Gatandatu, nyuma y’uko Ubuzima bwe butameze neza.

Minisitiri wa Libani ufite mu nshingano ze Ubukerarugendo, Walid Nassar, ubwo yatangazaga aya makuru, ntabwo yigeze atanagza nyirizina ikibazo cy’Ubuzima Papa yahuye nacyo.

Gusa muri iyi myaka ya vuba, uyu Mushumba wa Kilizya Gatolika yakunze kurwara indwara y’Amavi.

Ibiro bishinzwe gutangaza amakuru i Vatikano, nabyo byemeje ko uru Rugendo rutakibaye nk’uko rwari rwategenyijwe, gusa nta bisobanuro by’icyarusibije byatanze.

Amakuru aturuka i Vatikani, Ikinyamakuru cyo mu gihugu cy’Ubufaransa, AFP, dukesha iyi nkuru cyatangaje, avuga ko nta kirahinduka ku ngendo uyu Mushumba wa Kiliziya Gatolika ateganya kuzakorera muri Repubulika ya Demokarasi ya Congo no muri Sudani y’Amajyepfo mu Kwezi kwa Karindwi k’uyu Mwaka.

Libani ni Igihugu gifite Abakirisitu benshi mu Karere k’Uburasirazuba bwo hagati.

Papa Fransisiko mu Mezi ashize, yari yakiriye Perezida w’iki gihugu na Minisitiri w’Intebe, mu rugendo bari bagiriye i Vatikani.