9979fbe5af538c7a6f7a676aa4629ed0

Abakiristu bawita Umunsi w’Umutagatifu Yozefu urugero rw’Abakozi, hakinwe Umukino wa Cricket ku nshuro ya 1 muri USA, menya ibindi bihe by’Ingenzi byaranze tariki ya 01 Gicurasi mu Mateka y’Isi

Tariki ya 1 Gicurasi ni Umunsi wa 122 urebeye ku ngengabihe ya Gregoire, byumvikana ko hasigaye Iminsi 244 uyu Mwaka ukagera ku musozo.

Kuri iyi tariki kandi hizihizwaho Umunsi Mpuzamahanga w’Umurimo

Bimwe mu byaranze iyi tariki

1751: Umukino wa Cricket warakinywe bwa mbere muri Leta Zunze Ubumwe za Amerika.

1851: Umwamikazi Victoria yafunguye imurikagurisha mu Mujyi wa Londres.

1884: Muri Leta Zunze Ubumwe za Amerika hemejwe gukora amasaha umunani ku munsi.

1999: Abayobozi bo muri Leta ya Yougoslavia basubije Reverend Jesse Jackson abasirikare batatu b’Abanyamerika bari barafunze iminsi 32.

2002: Muri Madrid, igitero cy’ingabo za ETA cyakomerekeje abantu 17 hafi ya stade yaberagamo umukino wahuzaga Real Madrid na Barcelone.

2003: Perezida wa Amerika, George W. Bush yahagaritse intambara yo muri Irak, yemeza ko gutsindwa kwa Saddam Hussein ari intsinzi y’intambara irwanya ibyihebe.

2009: Muri Suède habaye ubukwe bw’abahuje igitsina bwa mbere ku Isi.

2011: Papa Yohani Pawulo II yashyizwe mu bahire na Papa Benedigito wa XVI wamusimbuye.

Bamwe mu bavutse kuri iyi tariki

1900: Ignazio Silone, umwanditsi n’umunyapolitiki w’Umutaliyani.

1930: Richard Riordan, Umunyapolitiki w’Umunyamerika wahoze ayobora Umujyi wa Los Angeles wo muri Leta ya California.

1975: Marc Vivien Foé, umukinnyi w’umupira w’amaguru ukomoka muri Cameroun.

Bamwe mu batabarutse

1118: Edith wo muri Scotland akaba n’umugore wa mbere w’Umwami w’u Bwongereza Henry I.

1970: Crown Prince Euimin, igikomangoma cyo muri Korea.

1989: Douglass Watson, umukinnyi wa sinema w’Umunyamerika.


Comment As:

Comment (0)