arab-reform-initiative-ari-kais-saied-populsim-tunisia-malek-lakhal-1440x988

Tuniziya: Perezida Saied yashwishurije Indorerezi Mpuzamahanga zifuza kuzakurikirana Amatora muri iki gihugu

Kuri uyu wa Kane tariki 12 Gicurasi 2022, Perezida wa Tuniziya, Kais Saied yatangaje atamva iby'Indorerezi Mpuzamahanga zishaka kujya muri iki gihugu, mu gihe mu mpera z’uyu Mwaka kitegura Referandumu ijyanye n'Itegeko nshinga n’Amatora y’Abadepite.

Ubwo yarahizaga abagize Komisiyo nshya y’Amatora, yavuze ko Igihugu cye nta Ngabo zagifashe ku buryo cyakoherezwamo Indorerezi.

Yatangaje ibi mu gihe muri Nyakanga y'Umwaka ushize, yasheshe Guverinoma ndetse anakuraho Inteko ishingamategeko Umutwe w'Abadepite na Sena. 

Ibi byatumye haduka ubwoba bw'uko Demokarasi inigiwe ku Karubanda.

Guhera icyo gihe, niwe ubwe ugenzura Minisiteri y'Ubutabera, ndetse tariki ya 22 Mata uyu Mwaka yihaye ububasha bwo kugena batatu ku bantu barindwi bagize Komisiyo y’Amatora, aba bakaba banarimo nawe ubwe.

Minisiteri y'Ububanyi n'Amahanga ya Leta zunze ubumwe z'Amerika, yavuze ko itewe Impungenge n’iki cyemezo cya Perezida Saied cyo guhindura we ubwe abazahagararira amatora. [AFP]

Kais Saied perezida wa Tuniziya

Perezida wa Tuniziya, Kais Saied.


Comment As:

Comment (0)