rsz1f714ca

Rwanda: Abadepite batanze ikizere ku kibazo cy’Abaganga badahagije mu Bigo Nderabuzima

Mu ruzinduko barimo kugirira hirya no mu gihugu, ihuriro ry'Abasenateri n'Abadepite riharanira imibereho myiza n’iterambere ry’abaturage, bavuze ko kugaragariza inzego zishinzwe ubuzima ibikibangamiye imitangire ya serivisi ku bigo nderabuzima ari imwe mu nzira izatanga umuti urambye ku bibazo bikigaragara muri izo serivisi.

Mu kigo nderabuzima cya Matyazo mu masaha ya mu gitondo, abarwayi n’abarwaza bicaye ku ntebe za bugenewe bategereje abaganga. 

Uwimana Laetia yaje kuvuza umwana, kimwe na bagenzi be icyo bahuriza ho ngo serivisi z’ubuvuzi kuri iki kigo nderabuzima zitangwa neza, gusa ngo n’ubwo bakirwa neza basaba ko hakongerwa umubare w’abaganga kuko bamara igihe kinini bategereje kuvurwa.

Ikibazo cy’abaganga badahagije, ni kimwe mu bibazo byagaragarijwe Abadepite n'Abasenateri bari mu ihuriro riharanira imibereho myiza n’iterambere ry’abaturage. 

Depite Uwingabe solange uyoboye itsinda ryasuye iki kigo nderabuzima, avuga ko iyi atari inshuro ya mbere bumvise ibi bibazo, akavuga ko bagiye gukora ubuvugizi mu nzego zibishinzwe kugira ngo hashakwe umuti urambye kuri iki kibazo.

Uretse kandi ikibazo cy’abaganga badahagije, aba badepite n'Abasenateri bagarigarjwe ibindi bibazo birimo ibijyanye no kuboneza urubyaro no kwita kubahuye n’ihohoterwa rishingiye ku gitsina. [RBA]


Comment As:

Comment (0)