Buhari-attacked-by-Boko-Harram-22-e1406137119837

Nigeria: Abitwaje Imbunda bagabye Igitero ku rukurikirane rw'Imodoka za Perezida Buhari

Abagabo bitwaje imbunda bagabye igitero ku rukurikirane rw'imodoka rw'itsinda rya Perezida wa Nigeria Muhammadu Buhari muri leta ya Katsina avukamo iri mu majyaruguru y'igihugu.

Abantu babiri bo mu itsinda ririmo abashinzwe umutekano we n'abashinzwe gutangaza amakuru ni bo bakomeretse, nkuko bikubiye mu itangazo rya Garba Shehu, umuvugizi wa Perezida Buhari.

Urwo rukurikirane rw'imodoka ni urw'izari zagiye imbere y'uruzinduko rwa Perezida Buhari mu mujyi avukamo wa Daura rwo mu mpera y'iki cyumweru, rwo kwizihiza umunsi mukuru wa kisilamu wa Eid-ul-Adha.

Ni bwo rero abo bagabo bitwaje imbunda barasaga ku bari muri izo modoka.

Leta ya Katsina ni imwe muri za leta zo mu majyaruguru ashyira uburengerazuba bwa Nigeria zibasiwe n'ibikorwa by'ubugizi bwa nabi bikorwa n'abajura, nkuko abategetsi babivuga.

Kuva mu mwaka wa 2015, abantu benshi bamaze kwicwa naho ababarirwa mu bihumbi barashimutwa muri ako Karere.

Perezida wa Nigeria Muhammadu Buhari


Comment As:

Comment (0)